What Is soaked Raisin Benefits : आपल्या भारतीय किचनमधील काही असे पदार्थ आहेत की, जे गोड असूनही आरोग्याला फायदेशीर ठरतात. याचे बेस्ट उदाहरण म्हणजे मनुके. मनुका खाणे आरोग्यासाठी खूप फायदेशीर मानले जाते. पण, बऱ्याच लोकांना ते खाण्याची योग्य पद्धत माहिती नसते. लोक बऱ्याचदा टाइमपास म्हणून सुके मनुके खाण्यास सुरुवात करतात. पण, जर तुम्ही मनुके भिजवून खाल्ले, तर ते तुमच्या आरोग्याला अनेक फायदे देईल.
मनुके भिजवून खाण्याचे फायदे (Benefits Of Eating Soaked Raisins)
शरीर थंड ठेवते (Keeps The Body Cool)
उन्हाळ्यात शरीर थंड ठेवण्यासाठी भिजवलेले मनुके खाणे फायदेशीर आहे. कारण- मनुके उष्ण असतात आणि ते भिजवून खाल्ल्याने ते थंड होतात, ज्यामुळे शरीरात उष्णता राहत नाही. भिजवलेले मनुके खाल्ल्याने शरीर डिटॉक्सिफाय होण्यास, हायड्रेट राहण्यास व पचन सुधारण्यास मदत होते.
डिटॉक्स आणि हायड्रेट (Detox And Hydrate)
भिजवलेले मनुके शरीराला डिटॉक्सिफाय आणि हायड्रेट करण्यास मदत करतात. भिजवलेले मनुके खाल्ल्याने शरीरातील विषारी पदार्थ बाहेर काढण्यास मदत होते आणि शरीर हायड्रेटदेखील राहते.
पचन सुधारते (Improves Digestion)
मनुक्यात फायबरचे प्रमाण जास्त असते. त्यामुळे ते पचनसंस्थेसाठीदेखील खूप फायदेशीर ठरते. फायबर पचन सुधारण्यास मदत करते, बद्धकोष्ठता रोखते व आतड्यांचे आरोग्य सुधारते. भिजवलेले मनुके बद्धकोष्ठता, आम्लता यांसारख्या पोटाच्या समस्यांपासून आराम देऊ शकतात.
हिमोग्लोबिन वाढवते (Increases Haemoglobin)
मनुका हे लोह आणि तांब्याचा चांगला स्रोत आहे, ज्यामुळे हिमोग्लोबिनची पातळी वाढण्यास मदत होते. मनुक्यातील लोह आणि तांब्याचे प्रमाण लाल रक्तपेशींच्या निर्मिती आणि कार्यात मदत करते, ज्यामुळे हिमोग्लोबिनची पातळी वाढते.
हृदयासाठी फायदेशीर (Beneficial For The Heart)
मनुकामध्ये पोटॅशियम असते, जे रक्तदाब नियंत्रित करण्यास आणि हृदयरोगाचा धोका कमी करण्यास मदत करते.
भिजवलेले मनुके नेमके कधी खावेत?
सकाळी रिकाम्या पोटी भिजवलेले मनुके खाणे चांगले ठरते. मनुके रात्रभर पाण्यात भिजवल्यानंतर तुम्ही सकाळी मनुके खाऊ शकता आणि ते पाणीदेखील पिऊ शकता. या प्रक्रियेमुळे तुमच्या शरीराला अनेक फायदे मिळू शकतात.
