Egg Benefits For Health: मांसाहारी लोकांसाठी अंडी हे सर्वात स्वस्त आणि परवडणारे खाद्य पदार्थ आहे. अंडी जीवनसत्त्वे, खनिजे आणि चरबीने समृद्ध आहे जे आरोग्यासाठी अत्यंत फायदेशीर मानले जाते. कोकिलाबेन धीरूभाई अंबानी रुग्णालयातील मुख्य आहारतज्ज्ञ प्रतीक्षा कदम यांच्या मते, अंड्यांमध्ये स्नायूंच्या निर्मिती आणि दुरुस्तीसाठी आवश्यक असलेले सर्व नऊ आवश्यक अमिनो आम्ल असतात.
व्हिटॅमिन बी १२, मेंदूची शक्ती वाढवणारे कोलीन आणि डोळ्यांसाठी फायदेशीर ल्युटीन यांचे उत्कृष्ट स्रोत. अंडी तृप्ततेची भावना देतात जी जास्त काळ टिकते आणि भूकेची इच्छा कमी करते. ते हृदयाचे आरोग्य राखण्यासाठी योग्य आहेत आणि वजन कमी करण्यासदेखील मदत करू शकतात. पण, तुम्ही एका दिवसात किती प्रमाणात अंड्याचे सेवन करणे फायदेशीर आहे.
फिटेलो येथील क्लिनिकल आहारतज्ज्ञ उमंग मल्होत्रा यांनी इंडियन एक्स्प्रेसला सांगितले की, अंडी ही जगातील सर्वात जास्त प्रमाणात खाल्ल्या जाणाऱ्या आणि चर्चेत असलेल्या आरोग्यदायी पदार्थांपैकी एक आहे. “एका मोठ्या अंड्यातून सुमारे ६-७ ग्रॅम उच्च दर्जाचे प्रथिने मिळतात, ज्याचा अमिनो अॅसिड स्कोअर १.० असतो, जो दुग्धजन्य पदार्थ आणि मांसाच्या तुलनेत सर्वात जास्त शक्य आहे. अल्ब्युमिन (अंड्याचा पांढरा भाग) मध्ये प्रामुख्याने ओव्हलब्युमिन असते, तर पिवळ्या रंगात लेसिथिन, चरबी, जीवनसत्त्वे ए, डी, ई आणि बी१२ तसेच कोलीन असते, जे पेशी आणि मज्जातंतूंच्या कार्यासाठी आवश्यक असते.
दिवसाला तीन अंडी पुरेशी आहेत का?
जेव्हा तीन अंड्यांबाबत विचार केला जातो तेव्हा दिवसाला १८-२१ ग्रॅम प्रथिने आवश्यक असतात. “प्रथिने चयापचय कार्यात महत्त्वाची भूमिका बजावतात आणि ३० ग्रॅमपेक्षा कमी अंडी खाल्ल्याने व्यायामानंतर किंवा झोपेनंतर पुरेशी ऊर्जा मिळू शकत नाही, नाश्त्यात किमान ४०-५० ग्रॅम प्रथिनांचा समावेश करणे फायदेशीर ठरू शकते, असे आहारतज्ज्ञ कदम म्हणाले.
खरं तर, कदम यांनी सांगितले की दररोज जास्त अंडी खाणे आरोग्यासाठी हानिकारक असू शकते, त्यामुळे कोलेस्ट्रॉलची पातळी वाढणे आणि हृदयरोगाच्या समस्या उद्भवू शकतात, जरी अंडी खूप पौष्टिक असतात. अशाप्रकारे प्रथिनांचे इतर स्रोत समाविष्ट करणे आणि फायबर आणि कार्बोहायड्रेट्सचे संतुलित सेवन करणे हे इष्टतम आरोग्यासाठी तितकेच आवश्यक आहे.
जास्त अंड्यांचे सेवन केल्यास काय परिणाम होईल?
“एका अंड्यामध्ये सुमारे १८६ मिलीग्राम कोलेस्ट्रॉल असते. जास्त प्रमाणात खाल्ल्याने हृदयाच्या आरोग्यावर हानिकारक परिणाम होतो, विशेषतः ज्यांना आधीच हृदयरोग आहेत त्यांच्यासाठी. अंडी जर बटर किंवा तेलात तळली गेली तर ती एलडीएल (वाईट) कोलेस्ट्रॉलमध्ये आणखी भर घालतात. जास्त प्रमाणात प्रथिने घेतल्याने मूत्रपिंडांना नुकसान होऊ शकते, काहींना पोटफुगी किंवा पचनक्रियेतील अपचनाची इतर लक्षणे जाणवू शकतात, असेही कदम म्हणाल्या.
दोन्ही तज्ज्ञांनी यावर भर दिला की, नाश्त्यासाठी आणि दिवसभरात तुमच्या आदर्श प्रथिनांच्या सेवनाबद्दल तज्ज्ञांचा सल्ला घेणे आवश्यक आहे.
