How To Clean AirPods & EarPods : आपल्यापैकी बहुतेक जण गाणी ऐकण्यासाठी, कॉलवर बोलण्यासाठी इयरफोन, हेडफोन आणि इयरबड्स वापरतात. चुकून इयरफोन, हेडफोन आणि इयरबड्स घरी राहिला की, प्रवासात येता-जाता वेळ कसा जाणार याचे टेन्शन आपल्याला येऊ लागते. दररोज आपण यांचा इतका वापर करतो की, तासंतास कानात घातल्यामुळे आणि ही उपकरणे स्वच्छ न केल्यास कानाला नुकसान होऊ शकते. इतकेच नाही तर कानात घाण साचल्याने या उपकरणांमधून येणारा आवाजही कमी होतो.
तर आज आपण बातमीतून काही सोप्या पद्धती सांगणार आहोत; ज्याच्या मदतीने तुम्ही घरी सहजपणे हेडफोन, इअरबड्स आणि इअरफोन्स स्वच्छ करू शकता…
मायक्रोफायबर कापड – हेडफोन, इअरबड्स आणि इअरफोन्स स्वच्छ करण्यासाठी, तुम्हाला प्रथम मायक्रोफायबर कापडाची आवश्यकता असेल. कापड कोमट पाण्यात बुडवा. नंतर डिव्हाइसचा बाह्य थरावरील घाण पुसण्यासाठी त्याचा वापर करा.
कापूस – इअरफोन, हेडफोन आणि इअरबड्समध्ये अडकलेली घाण साफ करण्यासाठी कापूस वापरा. लहान कोपरे आणि ग्रिल्स स्वच्छ करण्यासाठी कापूस वापरा. कोरड्या किंवा किंचित ओल्या कापसाच्या तुडक्याने हेडफोन, इअरबड्स आणि इअरफोन्समध्ये अडकलेली घाण काढा. तुम्ही यासाठी टूथपिक देखील वापरू शकता.
कोमट पाणी – इअरबड्समधील बहुतेक घाण ही इअरटिप्समध्ये असते. हेडफोन, इअरबड्स आणि इअरफोन्सचे रबर किंवा सिलिकॉन इअरटिप्स काढून टाका आणि स्वच्छ करा. नंतर, कोमट पाणी आणि साबणाने धुवा. आत असलेली कोणतीही घाण जंतुनाशक वाइप्सने स्वच्छ करा. या पद्धतीने केवळ बॅक्टेरियाच नाहीसे होतील असे नाही तर जुने, घाणेरडे हेडफोन, इअरबड्स आणि इअरफोन देखील चमकतील.
