बाजारातून आणलेली केळी घरी ठेवताना फक्त करा ‘हे’ ६ उपाय; १० दिवस राहतील ताजी अन् पिवळीच, पडणार नाहीत काळी

केळी इतर फळांपेक्षा लवकर पिकतात आणि काळी पडू लागतात. केळी फ्रिजमध्ये ठेवणे योग्य नाही, कारण त्याचा पोत आधीच थंड आहे. तेव्हा केळी रेफ्रिजरेटरमध्ये न ठेवता अनेक दिवस कशी साठवायची ते आपण जाणून घेऊ.

केळी काळी पडतायत? फॉलो करा हे खालील सोपे उपाय, जास्त दिवस राहतील ताजी

१. केळी बाजारातून खरेदी करून आणल्यावर त्यांच्या देठावर पेपर किंवा प्लास्टिक रॅप करा. त्यामुळे ती केळी जास्त दिवस ताजी राहू शकतात.

२. केळी जास्त दिवस राहिल्यास खाली टोकाकडील भागाकडून खराब होतात. केळी जर खाली ठेवली तर ती पटकन पिकतात. खालच्या भागावर काळे डाग पडू लागतात, त्यामुळे तुम्ही केळ्यांसाठी हँगर वापरू शकता. केळी ठेवण्यासाठी हँगर्सचा वापर केल्याने ती जास्त दिवस चांगली राहतात.

३. वॅक्स पेपरमध्ये केळी गुंडाळून झाकून ठेवली तर ती लवकर खराब होत नाहीत. या ट्रिकमुळेही केळी फ्रेश राहतात.

४. केळी खराब होऊ नयेत म्हणून तुम्ही व्हिटॅमिन सी टॅबलेटचीही मदत घेऊ शकता. त्यासाठी व्हिटॅमिन सीची एक गोळी थोड्या पाण्यात विरघळवून घ्या आणि या पाण्यातून केळी काढा किंवा पाणी शिंपडा, त्यामुळे तुमची केळी जास्त काळ ताजी राहतील.

५. तुम्ही केळ्यांचे देठ पॉलिथिनमध्ये लपेटून ठेवू शकता, त्यामुळे केळी फ्रेश राहण्यास मदत मिळते. तसेच केळी लवकर काळी पडत नाहीत. पॉलिथिन यातील थंडावा जपून ठेवण्यास मदत करते.

६. केळी फ्रिजमध्ये अजिबात ठेवू नका. केळी आणल्यानंतर नेहमी रूम टेंपरेचरवरच ठेवा. बाहेर केळी अधिक काळ टिकतात. फ्रिजमध्ये केळी मऊ पडतात आणि लवकर काळी होतात.

वरील सांगितलेल्या ट्रिक्सचा वापर केल्यास केळी लवकर खराब होणार नाहीत आणि जास्त दिवस फ्रेश राहतील.