How to remove unwanted hair: हातावर किंवा पायावर असलेले केस हे फक्त शरीराचे सौंदर्य कमी करत नाहीत, तर अनेकदा व्यक्तीला अस्वस्थदेखील करतात. मुली या केसांमुळे हवे तसे कपडे घालू शकत नाहीत आणि चेहऱ्यावर आलेले केस चेहरा डल दिसण्यास कारणीभूत ठरतात. काही वेळा शरीरातील हार्मोन्सच्या असंतुलनामुळे शरीराच्या विविध भागांवर केसांची जास्त वाढ होते. त्यामुळे अनेक महिलांना हे केस हटवण्याचे मार्ग शोधावे लागतात. आजकाल महिलांमध्ये लेझर ट्रीटमेंट लोकप्रिय झाले आहे, पण ते महागडे असून काही लोकांना त्याचे साइड इफेक्ट्सदेखील दिसतात. अशा परिस्थितीत घरगुती उपाय करून हे हाता-पायावरचे केस काढणे हा एक सुरक्षित आणि परिणामकारक मार्ग ठरतो.
नको असलेले केस हटवण्याचे घरगुती उपाय
१. बेसन आणि गुलाबपाणी
बेसन आणि गुलाबपाण्याची पेस्ट ही नको असलेल्या केस हटवण्याचा जुना आणि परिणामकारक उपाय आहे. २ चमचे बेसन एका बाउलमध्ये घ्या आणि त्यात १ चमचा गुलाबपाणी मिसळा. हवे असल्यास यामध्ये लिंबू रसदेखील घालता येतो. तयार पेस्ट हळू हाताने शरीरावर लावा आणि पूर्णपणे सुकल्यानंतर रगडून काढा. नंतर थंड पाण्याने धुऊन टाका. हा उपाय नियमित केल्यास केसांची वाढ हळूहळू कमी होते आणि त्वचा मऊ राहते.
२. अंडी आणि कॉर्न स्टार्च
अंडी आणि कॉर्न स्टार्चची पेस्टदेखील केस हटवण्यासाठी प्रभावी आहे. एका बाउलमध्ये अंड्यात कॉर्न स्टार्च घालून चांगले मिक्स करा. नंतर तयार पेस्ट शरीरावर लावा आणि पूर्णपणे सुकल्यानंतर पुसून काढा. हा उपाय विशेषतः हात आणि पायांवरील सूक्ष्म केस कमी करण्यासाठी उत्तम आहे.
३. खाजगी भागांची काळजी
इंटिमेंट एरिया (प्रायव्हेट पार्ट) मध्ये केस काढताना खूप सावधगिरी बाळगा. घरगुती उपाय किंवा बाजारातील कोणताही हेअर रिमूव्हल प्रॉडक्ट वापरण्याआधी लहान प्रमाणात पॅच टेस्ट करा. तसेच आवश्यक असल्यास डॉक्टरांचा सल्ला घेणे उत्तम ठरते.
याशिवाय नियमित स्क्रबिंग, नैसर्गिक जेल आणि मॉइश्चरायझर वापरल्यास त्वचा नरम राहते आणि केसांची वाढ कमी होते. घरच्या घरी उपाय करून, सुरक्षित आणि परिणामकारक पद्धतीने आपण नको असलेले केस कमी करू शकतो. अशा साध्या उपायांमुळे पैसे वाचतात आणि रासायनिक साइड इफेक्ट्सपासूनही बचाव होतो.
