Jaswand Flower Growing Tips in Marathi: आपण बाल्कनीची शोभा वाढविण्यासाठी आपण विविध प्रकारची रोपं लावतो. त्यात जास्वंद अनेकांच्या आवडीचं. गणपती बाप्पाचं आवडतं फुल असलेलं जास्वंद अनेकजण आपल्या बाल्कनीत लावतात. पण रोपं चांगल्या रीतीनं बहरावं यासाठी रोज काही ना काही उपायही अनेकजण करतात. पण, तुम्ही हे काम जर योग्य पद्धतीनं केले नसेल, तर या मेहनतीचा फार काही उपयोग होतोच असं नाही. विशेषतः फुलझाडांसाठी महागड्या खतांची गरज नसते; तर तुम्ही अगदी घरगुती पद्धतीनेसुद्धा खत तयार करून रोपांना बहर आणू शकता.
जास्वंदच्या झाडाच्या वाढीसाठी आणि भरपूर कळ्या फुले येण्यासाठी घरातल्या दोन वस्तूंचा वापर करून खत कसं तयार करायचं ते पाहणार आहोत. पावसाळ्यात जास्वंदच्या झाडाची काळजी कशी घ्यायची, त्याचबरोबर जास्वंदच्या झाडाला कीड लागते तर त्यासाठी कोणती कीटकनाशके फवारायची, याचीदेखील माहिती आज आपण जाणून घेणार आहोत.
झाडावर महिन्यातून एकदातरी नीमतेलाचा स्प्रे करावा, कारण झाडावर जर कीड लागली तर झाडाची वाढ होत नाही. तसंच या झाडाच्या वाढीसाठी भरपूर कळ्याफुले येण्यासाठी जास्तीत जास्त सूर्यप्रकाश मिळणे आवश्यक असते. त्यामुळे ही कुंडी अशाठिकाणी ठेवावी जिथे भरपूर सूर्यप्रकाश मिळेल.
जास्वंदच्या झाडाला भरपूर कळ्याफुले येण्यासाठी या दोन वस्तूंचा करा वापर
चहापावडर
चहापावडर झाडांसाठी अतिशय फायदेशीर असते. झाडांच्या वाढीसाठी आणि भरपूर फुले येण्यासाठी नायट्रोजन, पोटॅशियम फॉस्फरस अशा घटकांची आवश्यकता असते ती यामध्ये मुबलक प्रमाणात असतात. त्यामुळे झाडांच्या वाढीसाठी चहापावडरचा वापर करता येतो.
ताजी पावडर जेव्हा खत म्हणून तुम्ही वापराल तेव्हा प्रमाणातच वापरावी. उदाहरणार्थ- १० ते १२ इंचाच्या एका कुंडीसाठी फक्त अर्धा चमचा इतकाच याचा वापर करावा. कारण ताजी चहापावडर ही थोडी स्ट्रॉंग असते.
सुकलेल्या केळीच्या साली
केळीच्या साली झाडांसाठी अतिशय फायदेशीर असतात. झाडांना भरपूर फुले येण्यासाठी केळीच्या सालीचा वापर करू शकता. केळीच्या सालीबरोबरच तुम्ही बटाट्याचा सालीचाही खत म्हणून वापर करू शकता त्याचाही चांगला फायदा होतो. या साली झाडांना खत म्हणून दिल्या तर भरपूर कळ्या फुले झाडांना येतातच पण फुलांचा आकार मोठा होऊन फुलांचा रंग गडद होतो.
खताचा वापर नेमका कसा कराल?
खत झाडाला देण्यापूर्वी झाडाची माती ही हलवून थोडी मोकळी करावी.१० ते १२ इंचाच्या एक कुंडीमध्ये लावलेल्या झाडाला फक्त अर्धा चमचा चहापावडर आणि केळीच्या सुकलेल्या टाका. या दोन्ही वस्तू मातीमध्ये व्यवस्थित मिक्स केल्यानंतर वरून भरपूर पाणी द्यायचं. म्हणजे यातील पोषकतत्त्वे मातीमध्ये मिसळतील आणि झाडाला चांगला फायदा होईल.
या खताचा वापर जास्वंदच्या झाडासाठी महिन्यातून एकदा जरी केला तरी झाडाची वाढ चांगली होऊन त्याला भरपूर कळ्या-फुलं येतील.
