Kitchen Jugaad : हिवाळ्यात पाण्यात किंवा पिठात हात न टाकता कशी मळावी कणीक? जाणून घ्या भन्नाट ट्रिक, पाहा Viral Video

तुम्ही म्हणाल पाण्यात आणि पीठात हात न टाकता कणीक कशी मळणार? ते कसे शक्य आहे? तीच तर गमंत आहे ना. आपल्याकडे प्रत्येक समस्येवर काहींना काही जुगाड हा असतो ज्यामुळे आपले काम आणखी सोपे होते. अनेकांना पीठात हात टाकून कणीक मळायला आवडत नाही किंवा येत नाही अशा लोकांसाठी हा जुगाड उत्तम आहे. तुमच्या हाताला काही जखम असेल तर ही ट्रिक वापरू शकता. पीठात हात न टाकता कणीश कशी मळावी याची सोपी ट्रिक आम्ही तुम्हाला सांगतो.

हेही वाचा – कांद्यामध्ये ‘हे’ तेल टाकून पेटवा वात? भन्नाट ट्रिक वापरून पाहा, मच्छर, पाल आणि उंदरांपासून मिळू शकते सुटका

हेही वाचा – पाणी वापरून बनवा तूप! विश्वास बसत नाहीये मग ‘ही’ सोपी ट्रिक एकदा वापरून बघा; पाहा Viral Video

युट्यूबवर ही ट्रिक Pooja ki rasoighar नावाच्या चॅनलवर सांगितली आहे. व्हिडीओमध्ये पाहू शकता की, पाण्यात किंवा पीठात हात न टाकता पीठ कसे मळावे. सुरवातीला एक वाटी पीठ चाळून घ्या. त्यानंतर एक प्लास्टिकच्या पिशवीमध्ये (तेला, तूपाची पिशवी) एक वाटी पीठ टाका, थोडेसे मीठ टाका आणि हळू हळू त्यात मीठ टाका. आता प्लास्टिकच्या पिशवीचे तोडं हाताने बंद करा आणि एखादा ग्लास किंवा वाटी घेऊन पिशवीवर दाब द्या. सर्व बाजूने दाब द्या. गरजेनुसार त्यात पाणी टाका. थोड्यावेळाने तुमचे पीठ आणि पाणी एकत्र होऊन चांगले पीठ मळले जाईल. तयार पीठाच्या गरमा गरम पोळ्या करून खा. ही ट्रिक उपयूक्त आहे की नाही हे स्वत: वापरून पाहा.

(सूचना – या लेखातील माहिती सोशल मीडियावर व्हायरल व्हिडीओवर आधारित आहे. लोकसत्ता संकेतस्थळाचा याच्याशी काहीही संबंध नाही. लोकसत्ता संकेतस्थळ याची हमी देत नाही.)