solar eclipse surya grahan 2021 will happen on december 4 know the time of eclipse sutak period and its effect on zodiac signs prp 93 | Surya Grahan 2021 : ४ डिसेंबरला होणार सूर्यग्रहण, जाणून घ्या ग्रहणाची वेळ, सुतक काळ आणि राशींवर होणारा परिणाम

सूर्यग्रहणाचा सुतक काळ ग्रहणाच्या १२ तास आधी सुरू होतो. या काळात अनेक कामे करण्यास मनाई असते. धार्मिक दृष्टिकोनातून ग्रहण शुभ मानले जात नाही. त्यामुळे ग्रहणाचे वाईट परिणाम टाळण्यासाठी अनेक उपाय केले जातात. ४ डिसेंबर रोजी होणाऱ्या ग्रहणाची संपूर्ण माहिती जाणून घ्या.

(Photo; REUTERS)

Surya Grahan December 2021: वर्षातील शेवटचं सूर्यग्रहण ४ डिसेंबरला होणार आहे. जे अंटार्क्टिका, दक्षिण आफ्रिका, अटलांटिकचा दक्षिणेकडील भाग, ऑस्ट्रेलिया, दक्षिण अमेरिकेत दिसेल. भारतात सूर्यग्रहण दिसणार नाही, त्यामुळे इथे सुतक काळ वैध राहणार नाही. सूर्यग्रहणाचा सुतक काळ ग्रहणाच्या १२ तास आधी सुरू होतो. या काळात अनेक कामे करण्यास मनाई असते. धार्मिक दृष्टिकोनातून ग्रहण शुभ मानले जात नाही. त्यामुळे ग्रहणाचे वाईट परिणाम टाळण्यासाठी अनेक उपाय केले जातात. ४ डिसेंबर रोजी होणाऱ्या ग्रहणाची संपूर्ण माहिती जाणून घ्या.

सूर्यग्रहणाची वेळ: ग्रहण ४ डिसेंबर रोजी सकाळी ११ वाजता सुरू होईल आणि दुपारी ३.०७ वाजता संपेल. पंचांगानुसार मार्गशीर्ष महिन्यातील अमावास्येला ग्रहण होणार आहे. ग्रहणाच्या वेळी सूर्य, चंद्र आणि बुध वृश्चिक राशीत असतील. हे संपूर्ण सूर्यग्रहण असेल जे जेव्हा चंद्र पृथ्वी आणि सूर्याच्या मध्ये येतो तेव्हा त्याच्या मागे सूर्याचा प्रकाश पूर्णपणे झाकतो.

या राशींसाठी सूर्यग्रहण शुभ : ज्योतिषशास्त्रानुसार सूर्यग्रहण चार राशींसाठी शुभ ठरू शकतं. या राशीच्या लोकांना लाभ मिळण्याची दाट शक्यता आहे. मिथुन राशीच्या लोकांचा संघर्ष संपुष्टात येईल आणि नोकरी मिळण्याची शक्यता आहे. कोर्ट केसेसमध्ये तुम्हाला विजय मिळेल. कन्या राशीच्या लोकांचे धैर्य वाढेल. जीवनात यश मिळेल. मकर राशीच्या लोकांच्या उत्पन्नात वाढ होण्याची दाट शक्यता आहे. वरिष्ठांशी संबंध दृढ होतील. कुंभ राशीच्या लोकांसाठी काळ अनुकूल राहील.

आणखी वाचा : Solar Eclipse 2021 : वर्षातलं शेवटचे सूर्यग्रहण सुरक्षितपणे कसे पाहावे?

या राशीच्या लोकांनी सावध राहावे : वृश्चिक राशीच्या लोकांनी या काळात विशेष काळजी घ्यावी लागेल. मानसिक ताण जास्त राहील. वृषभ राशीच्या लोकांसाठी हे ग्रहण फारसे चांगले दिसत नाही. मेष राशीच्या लोकांसाठी धनहानी होण्याची शक्यता आहे. मानधनात नुकसान होऊ शकते. प्रवासात नुकसान होण्याची शक्यता आहे. धनु राशीच्या लोकांच्या खर्चात वाढ होऊ शकते. त्यामुळे तुम्हीही काळजी घ्या.

आणखी वाचा : Year 2022 Horoscope: ‘या’ दोन राशीच्या लोकांना चांगला पैसा मिळू शकतो…

This quiz is AI-generated and for edutainment purposes only.

सूर्यग्रहणासाठी उपाय: सूर्यग्रहणाच्या वेळी आपल्या मनात सूर्यदेवाची उपासना करा. भगवान शिवाच्या मंत्रांचा जप करा. ग्रहण संपल्यानंतर गरजूंना काहीतरी दान करा. असे मानले जाते की या ग्रहणाचा कोणताही वाईट परिणाम होत नाही. ग्रहण काळात भगवान शिवाच्या महामृत्युंजय मंत्राचा किंवा मृत्युंजय मंत्राचा जप करावा.

First published on: 02-12-2021 at 19:57 IST

Web Title: Solar eclipse surya grahan 2021 will happen on december 4 know the time of eclipse sutak period and its effect on zodiac signs prp