आईने लेकाला कधीही ऐकवू नयेत ‘या’ गोष्टी; मुलांच्या मनाला लागू शकतात तुमचे शब्द

आईने लेकाला कधीही ऐकवू नयेत या गोष्टी

मुलं कधीही रडत नाही
मुलांना लहानपणापासून शिकवले जाते की, त्यांचे रडणे ही त्यांची कमतरता आहे. मुलांच्या भावना नेहमी हे सांगून दाबल्या जातात. जेव्हा आई देखील मुलाला हे मुलं कधीही रडत नाही असे म्हणते तेव्हा ते शब्द मुलांच्या मानाला लागतात आणि त्यांना असे वाटते की त्यांना कोणीही समजू शकत नाही.

तु आपल्या बहिण किंवा भावासारखा का नाहीये?
मुलांची एकमेकांशी तुलना केल्याचे अनेकदा पाहायला मिळते. मुलगा जर अभ्यासमध्ये मागे असेल आणि कोणतेही काम करत नसेल तर त्याची तुलना बहिण-भावासह केली जाते. तु तुझ्या बहिण किंवा भावासारखा का नाहीस? असे ऐकवले जाते. त्यामुळे मुलांची अशी तुलना केल्याने मुलाचे मन दुखावले जाते.

हेही वाचा – तुमच्या जोडीदाराला खूप राग येतो का? रिलेशनशिप एक्सपर्टने सांगितले रागवणारा जोडीदार असण्याचे फायदे

घरात बसून खातो
मुलगा जर कॉलेजला जाणारा असेल, कॉलेज संपवून एखाद्या परिक्षेची तयारी करत असेल किंवा काही वेळ विचार करण्यासाठी घालवत आहे त्याला अशावेळी टोमणे मारले जाता. कारण मुलांकडून घर चालवणे जाण्याची अपेक्षा केली जाते आणि त्यांना नेहमी प्रगती केली पाहिजे, थांबले नाही पाहिजे असे सांगितले जाते. भलेही मुलगा दाखवत नसेल पण त्याच्या मनाला ही गोष्ट लागते.

हेही वाचा – गप्प बसा! दिवसभरात फक्त १ तास शांत राहा, कोणाशीच काही बोलू नका; सुधारू शकते तुमचे मानसिक आरोग्य

चूक तुझीच असेल
नेहमी असे गृहित धरले जाते की चूक मुलाची असते. मग भलेही त्याचे भांडण बहिणीसह झाले असे किंवा आपल्या मित्रांसह…कोणत्याही तथ्याशिवाय त्याच्यावर आरोप करणे किंवा विश्वास न दाखवणे त्याला दुखावू शकते. भलेही भांडण बहिणीशी होऊ दे किंवा आपल्या मित्रासह, मुलांचे म्हणणे ऐकून घेण्याचा प्रयत्न करा आणि त्यानंतर निर्णय घ्या.