Benefits Of Eating One Spoon Honey In The Morning : लहान मुलांपासून ते अगदी वयोवृद्धापर्यंत अनेकांना मध खायला भरपूर आवडते. मध खाणे आरोग्यासाठीसुद्धा चांगले असते. पण, म्हणून आपण कधीही आणि कितीही मध खाऊ शकतो, असा त्याचा अर्थ होत नाही. जशी चहा, नाश्ता आणि जेवणाची वेळ ठरलेली असते, अगदी त्याचप्रमाणे मध खाण्याचीसुद्धा योग्य वेळ असते, जी तुमच्या शरीरासाठी फायदेशीर ठरू शकते.
तर एक चमचा मध तुमच्या शरीर आणि मनासाठी फायदेशीर ठरू शकतो. एक चमचा मध खाऊन जर तुम्ही दिवसाची सुरुवात केली, तर तुमच्या शरीर आणि मनाला याचे खास फायदे मिळू शकतात. त्यात अँटिऑक्सिडंट्स, एंझाइम आणि पोषक घटक आणि त्यामुळे आपले सामान्य आरोग्य समस्यांपासूनही संरक्षण होते.
एक चमचा मध खाण्याचे दहा आरोग्यदायी फायदे (10 Benefits Of Having One Teaspoon Of Honey) :
मन ताजेतवाने व एकाग्रतेसाठी साह्यभूत – मधातील ग्लुकोज मेंदूसाठी इंधन असते,ज्यामुळे मन ताजेतवाने होऊन एकाग्रता व स्मरणशक्ती वाढण्यास मदत होते. सकाळी मध खाल्ल्याने तुमचे मन सजग राहते आणि दिवसभर तुम्ही भावनिकदृष्ट्या स्थिर राहता.
अ‍ॅलर्जीशी लढा देण्यास मदत – स्थानिक पातळीवर मिळणाऱ्या कच्च्या मधात परागकण असतात, जे शरीराला अ‍ॅलर्जीविरोधात संवेदनशील बनवू शकतात. मधाचे दररोज सेवन केल्याने हंगामी अ‍ॅलर्जीची लक्षणे हळूहळू दूर होऊ शकतात आणि तुमची श्वसनसंस्था मजबूत होऊ शकते.
यकृत विषमुक्त – मध यकृतातील एंझाइम्सना उत्तेजित करते, जे विषारी पदार्थ काढून टाकतात. कोमट पाण्याबरोबर मध खाल्ल्यास तुमचे यकृत स्वच्छ होईल आणि चांगले पचन होण्यासाठी पित्त योग्य प्रमाणात वाढवण्यास मदत होईल.
हृदयाच्या आरोग्यात सुधारणा – मधात असलेले अँटीऑक्सिडंट्स कोलेस्ट्रॉल धमन्यांमधील जळजळ कमी करण्यास मदत करतात. सकाळी एक चमचा मध दीर्घकाळापर्यंत हृदयाचे कार्य निरोगी राहते.
रक्तशर्करा कमी करण्यास सहकार्य – गोड असूनही मधाचा रक्तातील साखरेवर परिणाम होतो. कमी प्रमाणात सेवन केल्यास, ते यकृताच्या कार्यात मदत करून आणि इन्सुलिन प्रतिरोध कमी करून रक्तातील ग्लुकोजची पातळी कमी करण्यात मदत मिळू शकते.
घशातील खवखवीमध्ये घट – जर वारंवार घसा खवखवत असेल किंवा कोरडा पडत असेल तर मधात जळजळ कमी करण्याची क्षमता असते. त्यात नैसर्गिक अँटीबॅक्टेरियल गुणधर्मदेखील असतात, जे घशातील संसर्ग होण्यापूर्वीच त्यांचा सामना करू शकतात.
त्वचारंग नितळ करण्याकडे वाटचाल – त्याच्या अँटीमायक्रोबियल आणि क्लिंजिंग स्वभावामुळे, मध रक्त स्वच्छ करते आणि आतून त्वचा संतुलित राखते. मधामुळे तुमची त्वचा मुरमांपासून मुक्त होऊ शकते आणि कालांतराने तुमचा रंग नितळ होऊ शकतो.
रोगप्रतिकार शक्तीत वाढ – मधामध्ये अँटीबॅक्टेरियल आणि अँटीऑक्सिडंट्स गुण जास्त असतात; जे रोगप्रतिकार शक्ती वाढवतात. दररोज सकाळी सेवन केल्याने तुमच्या शरीराला संसर्गाशी लढण्यास त्यामुळे मदत होते आणि आजारी पडण्याचा धोका कमी होतो.
पचनक्रिया सुरळीत होण्यास साह्य – एक चमचा मध खाल्ल्याने पचनक्रिया सुरळीत होण्यास मदत होते. मध खाल्ल्याने आतड्यांचे कार्य सक्रिय होऊन पोटफुगी, गॅस आणि अस्वस्थता कमी करण्यास मदत होते.
ऊर्जेत नैसर्गिकरीत्या वाढ – मध हा ग्लुकोजचा नैसर्गिक स्रोत आहे, ज्यामुळे त्याचे सेवन केल्यावर ते रक्तप्रवाहात जाऊन ऊर्जेची पातळी जलदतेने वाढते.
तुम्ही मध कोणत्याकोणत्या पदार्थांबरोबर खाऊ शकता? (Health Benefits of Honey)
मधात नैसर्गिक गोडवा आणि संभाव्य आरोग्य फायदे असतात, ते अँटिऑक्सिडंट्सनी समृद्ध असलेल्या बेरी, दही, फळे, पालेभाज्यांसह स्मूदीमध्येसुद्धा तुम्ही मिक्स करू शकता. मध तुम्ही नट्ससह ओटमीलमध्ये नैसर्गिक गोडवा म्हणून वापरा किंवा भाज्यांनी भरलेल्या सॅलडसाठी ड्रेसिंगमध्ये त्याचा वापर करा. त्यामुळे पदार्थांची चव आणि पौष्टिक मूल्ये दोन्ही वाढण्यास मदत होते.
