पोटात मल कुजत असेल तर फक्त ‘या’ गोष्टी खा! पोट आणि आतड्यांतील घाण लगेच होईल साफ, पचनही सुधारेल

शरीरातील विषारी पदार्थ मल आणि लघवीतून बाहेर पडतात. पण जर बद्धकोष्ठता वाढली तर हे विष शरीरात साचायला लागतात आणि शरीर आजारी पडते. पचन सुधारण्यासाठी आहारात फायबरयुक्त अन्न आणि भरपूर पाणी असलेले पदार्थ खाणे गरजेचे आहे.

हेल्थलाइननुसार काही फळे अशी आहेत जी पचनासाठी अतिशय उपयोगी आहेत. ही फळे नैसर्गिकरीत्या शरीरातील साचलेले अपशिष्ट बाहेर टाकतात आणि पचन सुधारतात. या फळांचे सेवन केल्याने बद्धकोष्ठता कमी होते आणि पचनाच्या तक्रारी दूर होतात. या फळांमुळे शरीराला नैसर्गिकरित्या पाणी, फायबर आणि एन्झाइम मिळतात, ज्यामुळे शरीर डिटॉक्स होते. ही फळे खाल्ल्याने पोट हलके वाटते आणि बद्धकोष्ठता दूर होते. चला तर मग जाणून घेऊया कोणती फळे पचन सुधारतात आणि शरीराला निरोगी ठेवतात.

पपई

पपई हे असे फळ आहे जे खायला मऊ, गोड आणि पाण्याने भरलेले असते. या फळामध्ये पपेन नावाचा एन्झाइम असतो, जो प्रथिनांचे विघटन करण्यास मदत करतो आणि पचन मंदावू देत नाही. फायबरने भरपूर असल्यामुळे हे फळ आंतड्यांची हालचाल नीट ठेवते आणि शरीरातील आवश्यक जीवनसत्त्वांची कमतरता भरून काढते. हे फळ व्हिटॅमिन C आणि व्हिटॅमिन A ने समृद्ध असल्यामुळे रोगप्रतिकारक शक्ती वाढवते. सकाळी थोडीशी पपई खाल्ल्याने पोट हलके राहते आणि बद्धकोष्ठता दूर होते.

कलिंगड

कलिंगड हे पाण्याने भरलेले फळ आहे जे शरीराला थंडावा देते आणि शरीर हायड्रेट ठेवते. याचे सेवन केल्याने शरीरातील विषारी द्रव्ये बाहेर पडतात. शरीर जड वाटत असेल तर थंड कलिंगड खाल्ल्याने लगेच आराम मिळतो. कलिंगड खाल्ल्याने शरीर ताजेतवाने आणि हायड्रेट राहते.

सफरचंद

सफरचंद फायबरने भरपूर असते जे पचन सुधारते. त्यातील पेक्टिन नावाचा विद्राव्य फायबर पचनतंत्रातील अपशिष्ट एकत्र करून शरीरातून बाहेर टाकण्यास मदत करतो. हे आंतड्यातील उपयुक्त जिवाणूंनाही पोषण देते, त्यामुळे फळ खाल्ल्यानंतर बराच वेळ पचन नीट राहते. सफरचंद सालासकट खाल्ल्याने सर्वात जास्त फायदा होतो.

अननस

आंबट-गोड अननस हे असे फळ आहे जे रोगप्रतिकारक शक्ती वाढवते आणि पचन सुधारते. यात असलेला ब्रोमेलिन नावाचा एन्झाइम प्रथिने तोडायला मदत करतो, त्यामुळे पचनावर ताण कमी होतो आणि पोट फुगण्याची समस्या कमी होते. रात्रीच्या जेवणानंतर काही तुकडे खाल्ल्याने पोट हलके आणि आरामदायक वाटते.

संत्रे

संत्रे हे असे फळ आहे ज्यामध्ये केवळ व्हिटॅमिन C नाही तर फायबर आणि अँटिऑक्सिडंट्सही असतात, जे पचनासाठी खूप फायदेशीर आहेत. हे पोटासाठी हलके असते कारण फायबर शरीर स्वच्छ करण्याचे काम करते. संत्रे शरीराला लगेच ताजेतवाने करते आणि पचन सक्रिय ठेवते. त्यामुळे ते दररोजच्या डिटॉक्ससाठी एक नैसर्गिक पर्याय ठरते.