महिलांना कॅन्सर झाला की शरीरात दिसतात ‘ही’ ७ लक्षणे! दुर्लक्ष न करता लगेच सावध व्हा; डॉक्टरांनी सांगितलं, कसा जीव वाचवाल

स्त्रिया आपल्या व्यस्त आयुष्यात आरोग्याकडे पूर्णपणे दुर्लक्ष करतात, त्यामुळे त्यांना कॅन्सरसारखे धोकादायक आजार होतात. अहवालांनुसार भारतात सहा प्रकारचे कॅन्सर जास्त आढळतात – फुफ्फुसांचा कॅन्सर, तोंडाचा कॅन्सर, पोटाचा कॅन्सर, स्तनाचा कॅन्सर, सर्वाइकल कॅन्सर (गर्भाशयाच्या मुखाचा कॅन्सर) आणि कोलोरेक्टल कॅन्सर.

आयुर्वेदिक आणि युनानीतज्ज्ञ डॉ. सलीम जैदी यांच्या मते, कॅन्सर हे नाव ऐकताच भीती वाटते आणि विशेषतः महिलांसाठी हा धोका अधिक मोठा ठरू शकतो. स्तनाचा कॅन्सर, गर्भाशय मुखाचा कॅन्सर, अंडाशयाचा कॅन्सर असे आजार महिलांना जास्त प्रमाणात होतात. अनेक वेळा याची सुरुवातीची लक्षणे खूप साधी असतात, त्यामुळे महिला त्याकडे दुर्लक्ष करतात, त्यामुळे उपचार उशिरा सुरू होतात आणि धोका वाढतो.

डॉ. सलीम जैदी यांच्या मते, कॅन्सरची लक्षणे जर सुरुवातीच्या टप्प्यात ओळखता आली तर त्यावर नियंत्रण ठेवणे सोपे होते आणि जीव वाचवता येतो. चला तर मग, महिलांमध्ये दिसणारी कॅन्सरची सात लक्षणे आणि त्यापासून बचाव कसा करावा ते जाणून घेऊ या.

स्तनांमध्ये बदल

स्तनाच्या कॅन्सरचे सर्वात सामान्य लक्षण म्हणजे स्तनात गाठ तयार होणे, जी बहुतेक वेळा वेदनारहित असते. त्याशिवाय स्तनातून स्त्राव होणे, रंग बदलणे किंवा त्वचा आकुंचन पावणे हेही धोकादायक संकेत असू शकतात. दर महिन्याला स्वतः स्तनाची तपासणी करा आणि वर्षातून एकदा मॅमोग्राफी करून घ्या.

वजन कमी होणे

कोणत्याही कारणाशिवाय पटकन वजन कमी होणे, म्हणजेच तीन महिन्यांत ४-५ किलोपेक्षा जास्त वजन घटणे ही चिंता करण्यासारखी गोष्ट आहे. वजन कमी होणे हे शरीरात सुरू असलेल्या एखाद्या गंभीर आजाराचे लक्षण असू शकते. स्तनाचा कॅन्सर आणि अंडाशयाच्या कॅन्सरमुळेही वजन घटू शकते. अशा वेळी रक्त तपासणी, थायरॉईड तपासणी आणि कॅन्सर मार्कर तपासणी करून घ्या.

जास्त थकवा येणे

पुरेशी झोप आणि अन्न मिळूनही सतत थकवा जाणवत असेल तर हे शरीरात एखादा गंभीर आजार असल्याचे लक्षण असू शकते. अशा वेळी पूर्ण शरीराची आरोग्य तपासणी आणि रक्त तपासणी करून घ्या.

शौचाच्या सवयींमध्ये बदल

गॅस, बद्धकोष्ठता, पचनाच्या समस्या, पोटदुखी, वारंवार लघवी लागणे, जळजळ होणे किंवा लघवीत रक्त येणे- ही ब्लॅडर किंवा गर्भाशय मुखाच्या कॅन्सरची लक्षणे असू शकतात.

रक्तस्त्राव

मासिक पाळीच्या बाहेर रक्तस्त्राव होणे, पाळी अनियमित येणे आणि पाळीच्या वेळी असामान्य वेदना होणे – ही लक्षणे दुर्लक्ष करू नयेत. ही कॅन्सरची चिन्हेही असू शकतात.

खोकला आणि आवाजात बदल

सतत खोकला येणे, सर्दी होणे, आवाज बदलणे, मानेत गाठ येणे, सूज येणे याकडेही दुर्लक्ष करू नये. ही कॅन्सरची चिन्हे असू शकतात.

त्वचेमध्ये बदल

त्वचेवर नवे डाग दिसणे किंवा आधीच्या डागांचा रंग, आकार किंवा साइज बदलणे हे त्वचेच्या कॅन्सरचे लक्षण असू शकते.