Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

ग्राहकांसाठी कंपनीचा विशेष सेल

१४ मार्च रोजी शाओमी कंपनीने आपला बहुप्रतिक्षित शाओमी रेडमी नोट ५ दाखल केला. या फोनवरुन मोबाईल मार्केटमध्ये बरीच चर्चा झाली होती. या फोनची फिचर लीक झाली होती, त्यानंतर एमआय डॉट कॉमवरुन या स्मार्टफोनच्या लाँचिंगचा सोहळा लाईव्ह दाखवला. कंपनीने आपल्या या नव्या फोनचे मार्केटींग चांगले केले असून ग्राहकांमध्ये तो कमी कालावधीत लोकप्रिय झाला आहे. मोबाईल कंपन्या आपली उत्पादने बाजारात विकली जावीत यासाठी सतत काहीना काही नवीन प्रयोग करत असतात. या प्रयोगांमधून त्यांना चांगला फायदा होतो आणि त्यांचे उत्पादन विकलेही जाते. आता शाओमी कंपनीने अशाच काही खास ऑफर्स आणल्या आहेत.

आज ३ एप्रिल रोजी कंपनीने आपल्या Xiaomi Redmi 5 या फोनवर विशेष ऑफर्स जाहीर केल्या आहेत. १२ वाजता हा सेल सुरु झाला असून केवळ http://www.amazon.com वर ग्राहकांना या ऑफर्सचा लाभ घेता येणार आहे. या फोनच्या ३ वेरिएंटवर सूट मिळणार असल्याचे कंपनीकडून सांगण्यात आले आहे. या फोनवर जिओकडून २२०० रुपयांची कॅशबॅक ऑफर देण्यात आली आहे. ही कॅशबॅक ग्राहकांना रिचार्ज वाऊचरच्या स्वरुपात मिळणार आहे. त्याबरोबरच १०० जीबी इंटरनेट डेटा मिळणार आहे. तसेच Redmi 5 खरेदी केल्यानंतर किंडल ईबुकवर ९० टक्के डिस्काऊंट मिळू शकणार आहे.

या फोनच्या 2GB रॅम आणि 16GB इंटरनल मेमरी असलेल्या फोनची किंमत ७,९९९, 3GB रॅम आणि 32GB इंटरनल मेमरी असलेल्या फोनची किंमत ८,९९९ रुपये तर 4GB रॅम आणि 64 GB इंटरनल मेमरी असलेल्या फोनची किंमत १०,९९९ रुपये आहे. 16 GB च्या फोनला ४ हजार मिलीअॅम्पियरची बॅटरी देण्यात आली असून त्यात ड्युअल कॅमेरा सेटअप आहे. यातला एक कॅमेरा १६ मेगापिक्सेल आणि दुसरा ५ मेगापिक्सेल आहे. या फोनचा डिस्प्ले ५.९९ इंचांचा असेल. यात काळा, रोज गोल्ड, निळा, लाल, ग्रे आणि सिल्व्हर या रंगांमध्ये हा फोन उपलब्ध आहे.

First published on: 03-04-2018 at 12:18 IST

Web Title: Xiaomi redmi 5 mi sale at 12 pm today exciting offers for customers

खूशखबर ! Xiaomi RedMi 5 वर आज खास ऑफर्स

ग्राहकांसाठी कंपनीचा विशेष सेल