- ज्याचे पोट दुखेल तो ओवा मागेल!’ अशी म्हण आहे. पचनाच्या सर्व तक्रारींवर ओवा उत्तम गुणकारी आहे. पावसाळा हा पोटाच्या तक्रारींचा व वात विकाारांचा असल्यामुळे हा ऋतू संपेपर्यंत पाचक औषधांची माहिती घेऊ.
- अर्धा चमचा ओवा + चिमुटभर सैंधव रात्री झोपताना कोमट पाण्याबरोबर घ्यावा. त्यामुळे अपचन, संडासला साफ न होणे, पोट दुखणे, सतत पोट फुगणे या तक्रारी जातात.
- लहान मुलांचे पोट दुखत असेल तर ‘ओवा अर्क’ कोमट पाण्याबरोबर पोटात द्यावाच, पण बेंबीभोवती गोलाकार चोळून पोट शेकवावे. पोटदुखी लगेच थांबते. कृतीजंतही कमी होतात.
- जेवल्यावर पोटात जळजळत असेल तर ओवा, बडीशेप, ज्येष्ठमध यांची सुपारी चावून खावी.
- जेवल्यावर पोटात जळजळत असेल तर ओवा, बडीशेप, ज्येष्ठमध यांची सुपारी चावून खावी.
- दूध पचत नसेल तर, दूध प्यायल्यावर चिमूटभर ओवा चावून खावा किंवाा बऱ्याच जणांना गहू पचत नाही, अशांनी कणकेत थोडी ओव्याची पावडर घालून पोळी खावी. गहू पचेल.
- लघवीला फार वेळा होत असल्यास गूळ व ओवाचूर्ण समप्रमाणात घेऊन वाटाण्याएवढय़ा गोळय़ा करून चार-चार तासांनी खाव्यात. रात्री अंथरूणात लघवी करणाऱ्या मुलांनाही हरभऱ्याच्या डाळीएवढी ओवा गुळाची गोळी रात्री झाोपताना खायला द्यावी.
- ओवा नेहमी थोडासाच चावून पाण्याबरोबर गिळावा, अन्यथा तोंड येते.
