दुष्ट आणि अमंगळ विचारांची विल्हेवाट लावणाऱ्या हुताशनी पौर्णिमा किंवा होळीची संधी साधत शेकडो वर्षांची धारदार शब्दास्त्रे अग्नीला वाहण्याची परंपरा पाळणाऱ्या सर्वांसाठी आज शब्दांचा खास शिमगोत्सव. विडंबन. वात्रटिकाच नाही, तर दिनमाहात्म्याच्या निमित्ताने शिव्यांच्या लिखितमौखिक इतिहासावर दृष्टिक्षेप आणि राजकीय नेत्यांची कल्पनानक्कल… अशी भलीमोठी धुळवड… अर्थातच ‘बुरा ना मानो’च्या वैधानिक इशाऱ्यासह… (‘मल्हारवारी मोतियाने द्यावी भरून’ या गुरू ठाकूर यांनी लहिलेल्या गीताचे राजकीय विडंबन) मतियांनी द्यावी भरून उम्मीदवारी मतियांनी द्यावी भरूनहोय तर देवा, घेऊ हो आम्ही चोरूनओढ लावते अशी इलेक्शन, विकास होण्यासाठीजीव अडकतो तिकिटासाठी, बेकारीची भीतीगड भानगडचे आम्ही रहिवासीघोटाळा झेंडा फडकला दुरूनमतियांनी द्यावी भरून मते… मते… मते… मते हो द्यावी मते- २+२+२ मते अम्हास द्या बक्कळचहुदिशशी रात्रंदिन चंगळमते… मते… मते…भुलविती जनता भोळीखुळीएमपी, एमेले गोंधळी घरोघरी हिंडतो नि गोंधळ लोकशाहीचा मांडतोपक्षात भांडतो नि पक्षाबाहेर भांडतोकमानी बसल्या होर्डिंगवरीपोस्टरे बघून घ्या लवकरी सान - थोर नेणतोकुणाला केव्हाही हाणतोपावली मनी - मसलची मुळीआम्ही दंभाचे गोंधळी…मते हो द्यावी मते… बोला लोकशाहीला - मतेअन् ठोकशाहीला - मतेजोकशाहीला - मतेपोकशाहीला - मतेठोकशाहीला - मतेचोकशाहीला - मतेझोकशाहीला - मतेबिल्डरशाहीला - मतेफिल्डरशाहीला - मतेबंडलशाहीला - मतेदंडेलशाहीला - मतेशोकशाहीला - मते महेश केळुसकर भूकंप… दुभंगते कुणी कुणीकुणी घेते जोडुनकळतच नाहीकोण आलेकुणाला सोडुन…हादरते परी यालानसे रिस्टर स्केलखुर्चीचा शोष पंप लागताचघेती लाँग आणि हाय जंपयालाच लोक बिचारे म्हणती.राजकीय भूकंप… प्रभाकर साळेगावकर फू बाई फू, फुगडी फू दमलास का रं माझ्या गोविंदा तूनावे ठेवियली, आरोपसुद्धा केले,भाजपात गेले आणि नेते शुद्ध झाले आता फुगडी फू राजमहालात श्वान दारी बांधियलेविरोध करता कुणी ईडी, आयटी पिसाळवले आता फुगडी फू ‘मीही खाणे नाही, इतरेही देणे नाही’निवडणूक रोख्यांना परि हे का लागू नाही? आता फुगडी फू ‘अच्छे दिन आणतो’ सांगू मत मागितलेप्रोपगंडा सिनेमांनी एकजात गुंगविले आता फुगडी फू लॉटरी लागूनही जणू यावे कुणा रडूबॅरल गडगडूही जसे पेट्रोल लागे चढू आता फुगडी फू सत्ता येता त्यांनी ३७० हटविलेसांगा कुणी काश्मिरात पैसे गुंतविले? आता फुगडी फू स्त्री शक्तीला मान द्याया राष्ट्रपती केलेनव्या संसदी, मंदिरी दूर का ठेविले? आता फुगडी फू ‘फोडा आणि राज्य करा’ इंग्रजांची नीतीहिंदू-मुस्लिम करत इथलेच इंग्रज वापरती! आता फुगडी फू कष्टकरी, शेतकरी, स्त्रियांचे दमन केलेनक्षली, खलिस्तानी, देशद्रोही ठरविले आता फुगडी फू ‘एकट्याने येणे नाही’ भय हे दाटलेखोके होते, घोडे होते पक्षच फोडले! आता फुगडी फू परदेशी युद्ध म्हणे ‘टाइमप्लीज’ केले!मणिपूर का हो मग काणाडोळा केले? आता फुगडी फू ‘मला पहा फुले वहा’ मंत्र त्यांचा खासनको वाटे सग्या, मित्रा, गुरू सहवास आता फुगडी फू मैत्रीसाठी पाहू नये दिन किंवा रातीदेश विकू केले श्रीमंत मित्र गुजराती आता फुगडी फू मनकी बात, चायपे, परीक्षापे चर्चा केलीपत्रकार परिषद सातत्याने ओशाळली आता फुगडी फू जुमले केले, ध्यान केले, पाण्याखालीही गेलेफकिराचे कपडे परि रिपीट नाही झाले आता फुगडी फू राजदंड आला अन् सेवक राजा झालाप्रजा झाले सारे, कुणी नागरिक नाही उरला आता फुगडी फू - आशीष दुराचार संहिता संपताच प्रथम तळ्यातील ‘कमळे’ नाहीशी करा म्हणाले कुठेही कमळ शब्दाचा वापर नको चित्रात लक्ष्मीची पावले दिसली तर दिसू द्यात! हस्तांदोलन अजिबात टाळा विंदांच्या ‘एक दिवस घेता घेता.’ मधील पुढची ओळ गाळा त्या शिल्पाचाही कोदंडधारी भारा तूर्त नको सर्व स्टेशनातील अगदी सीएसटीपासून घड्याळांवर काळे फडके गुंडाळा तसेच वाफ, दगडी कोळसा आणि जेम्स वॅटचा उल्लेख नको असे आयोगाने कडक शब्दांत फर्मान काढले. ऐकताच लक्ष्मी म्हणाली, तुम्ही लोकांनी पूर्वी हात मारलात तरी मी कमळातच उभी राहणार मग काय, सगळीकडे गरम वाफ आणि धूरच धूर तरीपण गुरुजी म्हणालेच, काहीही करा ‘ण’ बाणातलाच! तसा घड्याळाच्या अंगावर काटा सुरेश भटांना समन्स आयुष्याच्या मशाली पेटवणे बंद! अखेरीस हात्तीच्या, त्यात काय मोठेसे! बिचारे ‘केशवसूत’ ‘एक तुतारी द्या मज आणुनी’ म्हणत होते, त्यांना मालगुंडला नजरकैदेत ठेवले. - अशोक नायगावकर कवी ना. धों. महानोर यांच्या ‘मी रात टाकली…’ या गाण्यावरचे विडंबन मी पोस्ट वाचली,मी पोस्ट(फॉरवर्ड) टाकली,मी मोडक्या संवादाची अहोलाज टाकली!अंगात माझियाभिनलाय मीडियामज ‘गॅरंटी’ लई त्यांचीगो कानी पडली!मंग ‘ईडी’ मनमानीचीमी बात टाकली !!धर्म देवा वरतीबहु ‘लाईक्स’ अवतरती,अन् मुक्त लोकशाहीलागो नाकं मुरडतीमी पोस्ट वाचली,मी पोस्ट फॉरवर्डली,मी मोडक्या संवादाची होलाज टाकली…. डॉ. सुजाता जोशी पाटोदेकर भांग पिऊन तर्र झालो तरी सारे लक्षात आहे.जागेपणी कळेना परंतु कोण कुठल्या पक्षात आहे.कोणाचे घड्याळ कोणाची मशाल कोणाच्या हाती बाण आहेचिखल एवढा झाला की कमळाच्याही कंठाशी प्राण आहे.शिव्याशाप उणीदुणी, बापावरच उचलली टांग आहे.खुर्चीची नशा अशी ही सत्तेची भांग आहे.भाषणांची यांच्या गाज आज अंतरिक्षात आहेजागेपणी कळेना परंतु कोण कुठल्या पक्षात आहे. सचिन मोटे दोस्तपक्ष हो आम्ही तुमचा,हक्क आमचा जागेवरचाद्या हो टाकून बावीस तेवीसहे भलते सोपे असते. तुम्हास देऊन बावीस तेवीससांगू काय मग तेथे दिल्लीस?कफल्लक आमुचे खातेहे भलते अवघड असते. नाही म्हणता साथच देणारईडी मग हो घरीच येणारकुठले तुमचे खातेहे भलते सोपे असतेपुतण्या की हो सोडून गेलापागोटे अन् गेला शेलावृष्टीचाही भरवसा गेलाआता भलते अवघड असते निळ्या, हिरव्या, भगव्याचातो का एका रंगाचा?रंगाचाही बेरंग करील तोनेता कुठला कोणाचा?हे भलते अवघड असते सारिका चाटुफळे कुलकर्णी
