News Flash

राज्यात आज १४ हजार ४९२ करोनाबाधित वाढले, २९७ मृत्यू

दिवसभरात ९ हजार २४१ कोरोनाबाधित रुग्ण बरे झाले

प्रतिकात्मक छायाचित्र

राज्यात आज १४ हजार ४९२ करोनाबाधितांची वाढ झाली व २९७ रुग्णांचा मृत्यू झाला. तर, दिवसभरात ९ हजार २४१ कोरोनाबाधित रुग्ण बरे झाले आहेत. राज्यातील करोनाबाधितांची संख्या ६ लाख ६१ हजार ९४२ वर पोहचली असून, यामध्ये आतापर्यंत करोनामुक्त झालेले ४ लाख ८० हजार ११४ जण आणि १ लाख ६९ हजार ५१६ अॅक्टिव्ह रुग्ण आहेत. राज्यातील रुग्ण बरे होण्याचे प्रमाण आता ७१.४५ टक्के झाले आहे. आरोग्य विभागाच्या हवाल्याने एएनआयने हे वृत्त दिले आहे.

आजपर्यंत प्रयोगशाळेत करण्यात आलेल्या ३५ लाख ६६ हजार २८८ तपासण्यां पैकी आजपर्यंत ६ लाख ६१ हजार ९४२ तपासण्या पॉझिटिव्ह आल्या आहेत. राज्यात सद्यस्थितीस १२ लाख ११ हजार ६०८ जण गृह विलगीकरणात (होम क्वारंटाइन) आहेत. तर, ३५ हजार ३७१ जण संस्थात्मक विलगीकरणात (इन्स्टिट्यूशनल क्वारंटाइन) मध्ये आहेत.

मुंबईत आज १ हजार १३४ नवे करोनाबाधित आढळले तर ३२ रुग्णांचा मृत्यू झाला. तसेच, १ हजार १०१ जण करोनामुक्त झाले. मुंबईतली करोनाबाधितांची एकूण संख्या १ लाख ३५ हजार ३५७ वर पोहचली असून यामध्ये १८ हजार २९८ अॅक्टिव्ह रुग्ण, करोनामुक्त झालेले १ लाख ९ हजार ३६९ जण आणि आतापर्यंत मृत्यू झालेल्या ७ हजार ३८५ जणांचा समावेश आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 22, 2020 9:35 pm

Web Title: 14492 new covid 19 cases and 297 deaths reported in maharashtra today msr 87
टॅग : Coronavirus
Next Stories
1 चंद्रपूर जिल्ह्यातील करोनाबाधितांची संख्या १ हजार ३५४ वर
2 यवतमाळ जिल्ह्यात तीन दिवसांत २१० करोनाबाधित,आठवडाभरात सात रूग्णांचा मृत्यू
3 यवतमाळ : दारव्हा येथे दोन इंची गणेश मूर्तीची स्थापना
Just Now!
X