औरंगाबादमध्ये स्विफ्ट व तव्हेरा गाडीत झालेल्या धडकेत ७ प्रवाशांचा दुर्दैवी मृत्यू झाला. मृतांमधे तीन पोलीस कर्मचाऱ्यांचा समावेश आहे. सोमवारी रात्री उशीरा औरंगाबाद - नगर रोडवर स्विफ्ट गाडीचा टायर फुटल्याने चालकाचे गाडीवरील नियंत्रण सुटले व गाडीने समोरुन येणा-या तव्हेरा गाडीला धडक दिली. या अपघातात सात जणांचा मृत्यू झाला असून मृतांमध्ये गंगापूर पोलीस ठाण्याचे अशोक थोरात, भगवान दुधे व मेहबूब सय्यद या तीन पोलिसांचा समावेश आहे. तवेरातून प्रवास करत असलेल्या दौलताबाद येथील फळ विक्रेत्याचाही यात मृत्यू झाला.
