मुंबई-गोवा महामार्गावर हॉटेल झी ग्रार्डन समोर पुलावरून एक कार (एमएच ०५ इए ५५७६) १५ फुट उंचीवरून खाली पडली. यामध्ये तीनजण जखमी झाले आहेत. कल्याणवरून श्रीवर्धनकडे जाताना मध्यरात्री १.१५ वाजेच्या सुमारास हा भीषण अपघात घडला. जखमींना पेण उपजिल्हा रुग्णालयात दाखल करण्यात आले आहे. तर यापैकी गंभीर जखमी असलेल्यास एमजीएम, पनवेल येथे हलवण्यात आले आहे. संध्या नथू पाटील, प्रीती दत्तू कडवे, राजेश शशिकांत मोरे अशी जखमींची नावं असल्याची माहिती समोर आली आहे.
