27 January 2021

News Flash

कोकण रेल्वे मार्गावर धावत्या रो रो रेल्वेतून ट्रक बाहेर फेकला गेला; चालकाने मारली उडी आणि त्यानंतर…

रो रो रेल्वेतून ट्रक बाहेर पडण्याची ही कदाचित पहिलीच घटना असावी

कोकण रेल्वे मार्गावरून धावणाऱ्या रो रो रेल्वेतून ट्रक बाहेर फेकला जाण्याची घटना घडली आहे. दिवाण खावटी ते खेड दरम्यान मध्यरात्री ही घटना घडली. धावत्या रो रो रेल्वेतून ट्रक बाहेर पडण्याची ही कदाचित पहिलीच घटना असावी, असं सांगितलं जात आहे. या घटनेमुळे कोकण रेल्वे मार्गावरील काही रेल्वे दोन ते तीन तास उशिराने धावत आहेत. कोकण रेल्वे प्रशासनाने या अपघाताची गंभीर दखल घेतली असून रेल्वेचे अधिकारी घटनास्थळी दाखल झाले आहेत.

कोलाडहून केरळला लोखंडी सळ्या घेऊन जाणारा ट्रक दिवाण खावटीजवळ सुकिवली नदीच्या वळणावर रेल्वेगाडीवरून फेकला गेला. ट्रकमधील साहित्य एका बाजूला सरकल्यामुळे हा अपघात झाला असावा, असा प्राथमिक अंदाज आहे.

ट्रकचालक वसीम याकूब शेख याने वेळीच बाहेर उडी मारल्याने बचावला. पहाटे दोनच्या सुमारास हा अपघात झाला. अपघातामुळे वाहतूक विस्कळीत झाली होती. अखेर साडेचार वाजण्याच्या सुमारास वाहतूक सुरळीत झाली. तुतारी एक्सप्रेस आणि कोकण कन्याया दोन गाड्या सुमारे दीड-दोन तास विलंबाने धावत आहेत.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 18, 2020 12:35 pm

Web Title: a truck falls from ro ro train on konkan railway sgy 87
Next Stories
1 “पक्ष संघटना, रा.स्व.संघाच्या जीवावर निवडून येणारे स्वतःच्या मुलीला निवडून आणू शकले नाहीत”
2 नेलकटरला घाबरतात आणि वार्ता तलवारीच्या; निलेश राणेंचा राऊतांना टोला
3 वाचाळवीर मंत्र्यांनी शब्द फिरवला ! वीज बिल सवलतीच्या मुद्द्यावरुन शेलारांचा नितीन राऊतांवर निशाणा
Just Now!
X