News Flash

अहमदनगरमधील राष्ट्रवादीच्या दोन कार्यकर्त्यांच्या हत्येप्रकरणी दोघांना अटक

शनिवारी संध्याकाळी राष्ट्रवादी युवक काँग्रेसचे जिल्हा सरचिटणीस योगेश राळेभात आणि राकेश उर्फ रॉकी अर्जुन राळेभात या दोघांची गोळ्या झाडून हत्या करण्यात आली होती.

योगेश अंबादास राळेभात आणि राकेश उर्फ रॉकी अर्जुन राळेभात

अहमदनगर जिल्ह्यातील जामखेडमधील राष्ट्रवादी काँग्रेसच्या दोन कार्यकर्त्यांच्या हत्येप्रकरणी पोलिसांनी दोन जणांना अटक केली आहे. गोविंद गायकवाड आणि एका अल्पवयीन मुलाला पोलिसांनी अटक केली असून या दोघांनीच हा हल्ला केला होता.

जामखेडमधील बीड रस्त्यावरील एका हॉटेलमध्ये गेल्या आठवड्यात शनिवारी संध्याकाळी राष्ट्रवादी युवक काँग्रेसचे जिल्हा सरचिटणीस योगेश राळेभात आणि राकेश उर्फ रॉकी अर्जुन राळेभात या दोघांवर दुचाकीवरुन आलेल्या तिघांनी गोळीबार केला होता. या गोळीबारात योगेश आणि राकेश या दोघांचा मृत्यू झाला होता. राकेश याने मृत्यूपूर्वी गोविंद गायकवाड याने गोळीबार केल्याचे सांगितले होते. या प्रकरणी पोलिसांनी गोविंद गायकवाडसह पाच जणांविरोधात गुन्हा दाखल केला होता.

योगेश आणि राकेशवर गोळीबार करणारा गोविंद हा शिरुरजवळील मांडवगण फराटा येथे असल्याची माहिती पोलिसांना मिळाली होती. रात्री उशिरा त्याला अटक करण्यात आली. याशिवाय या गुन्ह्यातील एका अल्पवयीन आरोपीलाही पोलिसांनी ताब्यात घेतले आहे. या दोघांच्या अटकेमुळे हत्येचे नेमके कारण स्पष्ट होणार आहे.

उल्हास मानेच्या अडचणी वाढणार?

भाजपा नेते आणि पालकमंत्री राम शिंदे यांचा कार्यकर्ता उल्हास माने याचीही चौकशी होण्याची शक्यता आहे. माने याच्या तालमीतील पहिलवानांनी ही हत्या केल्याचा आरोप फिर्यादीत करण्यात आला होता. माने हा पूर्वी मनसे, काँग्रेस आणि सध्या भाजपात आहे.वर्षभरापूर्वी त्याच्या तालमीतील मुलांशी फलक लावण्यावरुन योगेश व राकेशचा वाद झाला होता. यातूनच हे हत्याकांड घडल्याचे फिर्यादीत म्हटले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 3, 2018 2:43 pm

Web Title: ahmednagar jamkhed ncp workers double murder police arrested 2 accused
Next Stories
1 ‘देशात नरेंद्र, राज्यात देवेंद्र आणि मंत्रालयात उंदरं’
2 मुंबई हायकोर्टाने न्यायालयीन भरती प्रक्रियेवरील स्थगिती उठवली; लाखो उमेदवारांना दिलासा
3 देहूरोडमध्ये टोळक्याचा धुडगूस; वाहनांची तोडफोड, २ महिलांनाही मारहाण
Just Now!
X