राज्यातील करोना परिस्थिती चिंताजनक आहे. मुंबई आणि इतर काही शहरात करोना रुग्णांची संख्या दिवसेंदिवस वाढत आहे. वाढत्या रुग्णसंख्येबरोबरच रुग्णांची हेळसांड होत असल्याचे प्रकार समोर आले आहेत. राज्यातील आरोग्य सेवेविषयी असलेल्या प्रश्नांसंदर्भात महाराष्ट्र नवनिर्माण सेनेचे नेते अमित ठाकरे यांनी आज राज्याचे आरोग्यमंत्री राजेश टोपे यांची भेट घेतली. यावेळी अमित ठाकरे यांनी आरोग्यमंत्र्यांना काही महत्त्वाच्या सूचना केल्या. राज्यात करोनामुळे निर्माण झालेल्या प्रश्नांसंदर्भात चर्चा करण्यासाठी मनसे नेते अमित ठाकरे यांनी आज (२२ मे ) आरोग्यमंत्री राजेश टोपे यांची शासकीय निवासस्थानी भेट घेतली. यावेळी अमित ठाकरे यांनी आरोग्यमंत्र्यांना काही सूचना केल्या. या सूचनावर लवकर कार्यवाही करण्यात येईल, असं आश्वासन आरोग्यमंत्री राजेश टोपे यांनी ठाकरे यांना दिलं. आज मनसे नेते श्री. अमित ठाकरे ह्यांनी राज्याचे सार्वजनिक आरोग्यमंत्री श्री. राजेश टोपे (@rajeshtope11) ह्यांची शासकीय निवासस्थानी भेट घेतली. काही महत्त्वाचे मुद्दे मांडल्यानंतर आरोग्यमंत्र्यांनी अत्यंत सकारात्मक प्रतिसाद देत लवकरात लवकर हे विषय मार्गी लावण्याचं आश्वासन दिलं. pic.twitter.com/HGFnxuvQF0 — MNS Adhikrut - मनसे अधिकृत (@mnsadhikrut) May 22, 2020 अमित ठाकरे यांनी केलेल्या सूचना. १) करोना व अन्य आजारांच्या उपचारासाठी जी रुग्णालये कार्यरत आहेत, त्यांच्या बेड्सची क्षमता स्पष्टपणे नागरिकांना कळावी, यासाठी एक सॉफ्टवेअर अॅप्लिकेशन विकसित करावं. २) बंधपत्रित वैद्यकीय अधिकारी, अधिपरिचारिका यांची वेतन कपात रद्द करून त्यांचा पगार पूर्ववत करावा. ३) प्रत्येक रुग्णाला कोणत्याही परिस्थितीत रुग्णवाहिका उपलब्ध करून द्यायलाच हवी. ३. प्रत्येक रुग्णाला कोणत्याही परिस्थितीत रुग्णवाहिका उपलब्ध करुन द्यायलाच हवी. ४. प्रत्येक रुग्णालयात पोलीस कर्मचा-यांसाठी काही बेड्स आरक्षित ठेवावेत आणि त्यांचा संपूर्ण वैद्यकीय खर्च शासनानेच करावा.#लढाकोरोनाशी #महाराष्ट्रधर्म #अमितठाकरे #महाराष्ट्रसैनिक — MNS Adhikrut - मनसे अधिकृत (@mnsadhikrut) May 22, 2020 ४) प्रत्येक रुग्णालयात पोलीस कर्मचाऱ्यांसाठी काही बेड्स आरक्षित ठेवावेत व त्यांचा संपूर्ण वैद्यकीय खर्च शासनानेच करावा.
