04 August 2020

News Flash

Cyclone Nisarga: रायगड जिल्ह्यात सतर्कतेचा इशारा; ३ जूनला ‘जनता कर्फ्यू’ पाळा – जिल्हाधिकारी

कोकण किनारपट्टीवर झाला कमी दाबाचा पट्टा निर्माण

संग्रहित छायाचित्र

कोकण किनारपट्टीवर कमी दाबाचा पट्टा निर्माण झाल्याने त्याचे ‘निसर्ग’ चक्रीवादळात रुपांतर होण्याची शक्यता असून येत्या ४८ तासात हे वादळ रायगड जिल्ह्यातील किनारपट्टीवरील भागात धडकण्याची शक्यता आहे. या पार्श्वभूमीवर जिल्ह्यात सतर्कतेचा इशारा देण्यात आला आहे. मच्छिमारांना खोल समुद्रात जाण्यास मनाई करण्यात आली आहे. बचाव पथके तैनात करण्यात आली आहेत. तसेच ३ जूनला घरातच राहून जनता कर्फ्यू पाळण्याचे आवाहन जिल्हाधिकारी निधी चौधरी यांनी केले आहे.

जिल्ह्यात सोमवारी पहाटे अनेक भागात मेघगर्जनेसह पावसाच्या सरी कोसळल्या. दिवसभर ढगाळ वातावरण कायम होते. अशातच प्रादेशिक हवामान विभागाने दुपारनंतर सतर्कतेचा इशारा दिला. कोकण किनारपट्टीवर तयार झालेले चक्रीवादळ ३ जूनला रायगड जिल्ह्यातील हरिहरेश्वर ते दमण दरम्यानच्या परिसरात धडकण्याची शक्यता हवामान विभागाने वर्तवली आहे. या काळात मुसळधार ते अतिमुसळधार पावसाची शक्यता आहे.

या पार्श्वभूमीवर जिल्ह्यातील आपत्ती व्यवस्थापन यंत्रणा कार्यान्वीत करण्यात आल्या आहेत. अलिबाग आणि श्रीवर्धन येथे राष्ट्रीय आपत्ती निवारण दलाच्या तुकड्या तैनात करण्यात आल्या आहेत. मुरुड येथे तटरक्षक दलाची तुकडी तैनात असणार आहे. उरण येथे सागर सुरक्षा बलाचे जवान कार्यरत असणार आहेत. कोलाड येथील रिव्हर राफ्टिंग पथकांना मदतीसाठी तयार राहण्याच्या सूचना देण्यात आल्या आहेत. किनारपट्टीवर कच्च्या घरात राहणाऱ्या व्यक्तींना सुरक्षितस्थळी स्थलांतरीत होण्याच्या सूचना देण्यात आल्या आहेत. यासाठी गावागावात उभारण्यात आलेल्या विलगीकरण कक्ष, समाजमंदीर आणि ग्रांमपचायत इमारतींचा वापर करण्याचे निर्देश जिल्हाधिकारी निधी चौधरी यांनी दिले आहे.

मच्छिमारांना खोल समुद्रात जाण्यास निर्बंध घालण्यात आले आहेत. तर किनारपट्टीवरील गावांना सतर्कता बाळगण्याचे निर्देश देण्यात आले आहेत. तीन तारखेला नागरीकांनी जनता कर्फ्यू पाळून घरातच सुरक्षित रहावे असे आवाहन जिल्हा प्रशासनाने केले आहे. स्थानिकांनी समुद्र किनाऱ्यांवर जाऊ नये, अशा सूचनाही देण्यात आल्या आहेत. आपत्कालिन परिस्थितीत ०२१४१-२२२११८ अथवा १०९३ या क्रमांकावर संपर्क साधण्याचे आवाहन जिल्हा प्रशासनाच्यावतीने करण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 1, 2020 9:21 pm

Web Title: cyclone nisarga vigilance alert in raigad district district collector appeals to follow janata curfew on june 3 aau 85
Next Stories
1 अकोल्यात करोना रुग्णांनी ओलांडला सहाशेचा टप्पा
2 बुलडाणा जिल्ह्यात आणखी १० करोनाबाधित
3 महाराष्ट्रात करोनाचे नवे २३६१ रुग्ण, ७६ मृत्यू, संख्येने ओलांडला ७० हजारांचा टप्पा
Just Now!
X