गेल्या काही दिवसांपासून विविध आरोपांच्या गर्तेत सापडलेले राज्याचे महसूल मंत्री एकनाथ खडसे यांनी शनिवारी मुख्यमंत्री देवेंद्र फडणवीस यांच्याकडे स्वत:च्या मंत्रिपदाचा राजीनामा सुपूर्द केला. त्यानंतर जळगावमधील खडसे समर्थकांमध्ये संतापाचे वातावरण निर्माण झाले असून कार्यकर्ते आक्रमक झाल्याचे चित्र आहे. खडसे यांच्या राजीनाम्यामुळे कुठेतरी आपल्यावर अन्याय झाल्याची भावना या कार्यकर्त्यांमध्ये आहे. तसेच, खडसेंच्या मतदार संघाचा भाग असलेल्या मुक्ताईनगर परिसरात कार्यकर्त्यांनी निषेध दर्शवत जाळपोळ केल्याचे वृत्त आहे. तसेच, स्थानिक दुकानदारांनी दुकाने बंद ठेवली असून याठिकाणी रास्ता रोको करण्यात आलेयं. दरम्यान, एकनाथ खडसे यांनी राजीनाम्यानंतर पत्रकार परिषद घेतली. त्यानंतर आता ते जळगावकडे रवाना होणार असल्याचे कळते.
