02 March 2021

News Flash

वसईतील ग्राहकाला ८० कोटींचे वीज देयक

वसई विरारमधील ग्राहकांना अवाजवी वीज देयके येत आहेत.

(संग्रहित छायाचित्र)

वसईतील एका वीज ग्राहकाला थोडेथोडके नव्हे तर चक्क ८० कोटी रुपयांचे वीज देयक महावितरणाने पाठवले आहे. याबाबत महावितरणकडे विचारणा केली असता वीज देयकाची दुरूस्ती केली जाईल, अशी सारवासारव करण्यात आली.

वसई विरारमधील ग्राहकांना अवाजवी वीज देयके येत आहेत. वसई पश्चिमेला  निर्मळ येथील नाईक कुटुंबाची भाताची गिरणी आहे. त्यांना दरमहा सरासरी ५० ते ६० हजार वीज देयक येते. सोमवारी संध्याकाळी नाईक कुटुंबाला महावितरणाचे वीज देयक आले. त्यावरील  ७९ कोटी १४ लाख ९६ हजार रुपये हा आकडा पाहून त्यांच्या घशाला कोरड पडली.  माझे पती गणपत नाईक यांचे तीन महिन्यांपूर्वी निधन झाले. घरात आधीच ताणतणाव असताना महावितरणाने त्यात आणखी भर घातल्याची खंत प्रतिभा नाईक यांनी व्यक्त केली.

चुकीचे वीज देयक पाठवले गेले आहे. दुरुस्ती करून योग्य ते वीज देयक ग्राहकाला दिले जाईल.

-विजय दुभाटे, जनसंपर्क अधिकारी, महावितरण, कल्याण परिमंडळ

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 23, 2021 12:26 am

Web Title: electricity payment of rs 80 crore to a customer in vasai abn 97
Next Stories
1 फेब्रुवारीतच वसईकरांना पाणीटंचाईच्या झळा
2 शिवसेना खासदाराच्या वक्तव्याने कोकणात पुन्हा वाद
3 रायगडावरील रोषणाईवरून दोन खासदारांमध्येच वाद
Just Now!
X