कोल्हापूर: करोनावर नियंत्रण मिळवण्यासाठी कोल्हापूर महानगरपालिकेच्यावतीने शहरातील आयसोलेशन हॉस्पिटलसह दहा कुटुब कल्याण केंद्राच्या ठिकाणी शहरातील नागरिकांची मोफत स्वॅब चाचणी सुविधा करण्यात आली आहे. यासाठी शुल्क आकारण्यात येणार नाही, अशी माहिती शुक्रवारी सूत्रांनी दिली. आतापर्यंत सीपीआर आणि आयसोलेशन हॉस्पिटल येथेच मोफत स्वॅबची सुविधा उपलब्ध केली होती, शहरवासियांची मागणी आणि रुग्णांची वाढती संख्या विचारात घेऊन महानगरपालिकेने आता शहरातील दहा कुटुंब कल्याण केंद्राच्या ठिकाणी मोफत चाचणी घेण्याचे नियोजन केले आहे.सावित्रीबाई फुले हॉस्पिटल आणि पंचगंगा हॉस्पिटल ही केंद्रे केवळ गरोदर मातांसाठी राखून ठेवण्यात आली आहेत.
