28 May 2020

News Flash

कोर्टातून बाहेर आल्यावर काय म्हणाले फडणवीस…

माजी मुख्यमंत्री देवेंद्र फडणवीस आज नागपूर सत्र न्यायालयात हजर झाले होते.

संग्रहित छायाचित्र

माजी मुख्यमंत्री आणि राज्याचे विरोधी पक्ष नेते देवेंद्र फडणवीस यांना नागपूर सत्र न्यायालयाने १५ हजार रुपयांच्या जात मुचलक्यावर जामीन मंजूर केला. २०१४ मधील विधानसभा निवडणुकीत देवेंद्र फडणवीस यांनी उमेदवारी अर्ज भरताना दोन फौजदारी गुन्ह्यांची माहिती लपवल्याचा त्यांच्यावर आरोप आहे.

फडणवीस म्हणाले…
“माझ्यावरचा खटला हा १९९५ ते १९९८ दरम्यानचा आहे. एक झोपडपट्टी हटवण्यासंदर्भात कारवाई चालू असताना एक आंदोलन केलं होतं. त्यावेळी काही केसेस झाल्या होत्या. दोन खासगी तक्रारी माझ्याविरोधात झाल्या होत्या. त्या आता संपलेल्या आहेत. २०१४ च्या प्रतिज्ञापत्रात ते खटले मी मेन्शन केलेले नाहीत. अशी केस माझ्यावर टाकण्यात आली. सत्र न्यायालयात, उच्च न्यायालयात मी यासंबंधी खटला जिंकलो.

आता सर्वोच्च न्यायालयाच्या निर्देशावरुन सत्र न्यायालयात खटला सुरु आहे. आज मला हजर होण्यास सांगितलं होते. मी तिथे हजर होतो. माझ्यावर व्यक्तीगत कुठलाही खटला नाही. कुठल्या ना कुठल्या आंदोलनाच्या केसेस आहेत आणि मी सगळया केसेस प्रतिज्ञापत्रात नमूद केल्या आहेत.

वकिलांच्या निर्णयानुसार प्रतिज्ञापत्र तयार केलं. निवडणूक जिंकण्याच्या हेतूने केसेस लपवलेल्या नाहीत. निवडणूक विजयावर परिणाम होईल अशीही ती प्रकरणे नाहीत. सार्वजनिक जीवनात लोकांसाठी संघर्ष करताना तयार झालेल्या केसेस आहेत” असे देवेंद्र फडणवीस म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 20, 2020 12:54 pm

Web Title: maharashtra former cm devendra fadnavis in court room dmp 82
Next Stories
1 माजी मुख्यमंत्री देवेंद्र फडणवीस यांना जामीन मंजूर
2 ताम्‍हीणी घाटात भीषण अपघात, पुण्याचे तिघे जागीच ठार
3 देवदर्शनावरुन परतताना भीषण अपघात, स्कॉर्पिओ-ट्रकच्या धडकेत चिमुकल्यासह सहा ठार
Just Now!
X