Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

दिवसभरात ८ हजार १२९ नवीन करोनाबाधित आढळले

राज्यात आज रोजी एकूण १,२१,८५९ ॲक्टिव्ह रुग्ण आहेत.(संग्रहीत छायाचित्र)

राज्यातील करोना संसर्गाचे प्रमाण कमी झाल्याचे दिसत आहे. तर, करोनामुक्त होणाऱ्यांच्या संख्येत वाढ होत आहे. दररोज आढळणाऱ्या करोनाबाधितांच्या तुलनेत करोनामुक्त होणाऱ्यांची संख्या ही सातत्याने अधिक आढळून येत आहे. राज्यातील रूग्ण बरे होण्याचे प्रमाण (रिकव्हरी रेट) देखील वाढताना दिसत आहे. या पार्श्वभूमीवर राज्य सरकारकडून करोना निर्बंध देखील शिथिल करण्यात आलेले आहेत. दरम्यान, मागील २४ तासात राज्यभरात १४ हजार ७३२ रूग्ण करोनातून बरे झाले असून, ८ हजार १२९ नवीन करोनाबाधित आढळून आले. तर, २०० रूग्णांचा मृत्यू झाल्याची देखील नोंद झाली आहे.

राज्यातील अॅक्टिव्ह केसेसची संख्या १,४७,३५४ आहे. तर, आजपर्यंत ५६,५४,००३ रूग्ण करोनातून बरे झाले असून, १,१२,६९६ करोनाबाधितांचा मृत्यू झालेला आहे. राज्याचा मृत्यू दर १.९० टक्के आहे. तर, राज्यातील एकूण करोनाबाधितांची संख्या ५९,१७,१२१ झाली आहे.

Maharashtra records 8,129 new #COVID19 cases, 200 deaths, and 14,732 recoveries in the last 24 hours
Active cases 1,47,354
Case tally 59,17,121
Death toll 1,12,696
Total recoveries 56,54,003 pic.twitter.com/IKYqOm50cR
— ANI (@ANI) June 14, 2021

करोनाच्या पार्श्वभूमीवर आजपर्यंत तपासणी करण्यात आलेल्या ३,८२,१५,४९२ नमुन्यांपैकी ५९,१७,१२१ नमुने (१५.४८ टक्के) करोना पॉझिटिव्ह आढळलेले आहेत. राज्यात सध्या ९,४९,२५१ जण गृहविलगीकरणात आहेत, तर ५ हजार ९९७ जण संस्थात्मक विलगीकरणात आहेत.

First published on: 14-06-2021 at 22:12 IST

Web Title: Maharashtra records 8129 new covid19 cases and 14732 recoveries in the last 24 hours msr

COVID 19: राज्यात २४ तासात १४ हजार ७३२ रूग्ण करोनामुक्त; रिकव्हरी रेट ९५.५५ टक्के

दिवसभरात ८ हजार १२९ नवीन करोनाबाधित आढळले