23 September 2020

News Flash

“फडणवीसजी, नाक घासून माफी मागा, नाहीतर महाराष्ट्र तुम्हाला ट्रोल करतोय म्हणून कार्यकर्ते निवेदन सादर करायला जातील”

"तुमचे पूर्वज शाहू महाराजांकडे कार्यकर्ते म्हणून झाडू मारायला होते"

विरोधी पक्षनेते देवेंद्र फडणवीस.

राज्याचे माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांच्यावर सध्या एका ट्विटमुळे टीका होत आहे. ६ मे रोजी छत्रपती राजर्षि शाहू महाराज यांचा स्मृतिदिन होता. त्यानिमित्तानं फडणवीस यांनी ट्विट करून अभिवादन केलं. मात्र, त्यात झालेल्या चुकीमुळे फडणवीस यांच्याविरोधात रोष व्यक्त होत आहे. त्याच मुद्यावरून राष्ट्रवादीनं फडणवीस यांच्यावर निशाणा साधला आहे.

विरोधी पक्षनेते देवेंद्र फडणवीस यांनी ट्विटरच्या माध्यमातून छत्रपती राजर्षि शाहू महाराज यांना अभिवादन केलं होतं. यामध्ये त्यांनी छत्रपती शाहू महाराजांचा उल्लेख ‘थोर सामाजिक कार्यकर्ते’ असा केला. यातील ‘कार्यकर्ते’ या शब्दावर आक्षेप घेत शाहूप्रेमी नागरिकांनी फडणवीस यांच्या टीका केली. त्याचबरोबर अनेकांनी माफीची मागणीही केली.

याच ट्विटवरून राष्ट्रवादी काँग्रेसचे नेते अमोल मिटकरी यांनी ट्विट करून टीका केली आहे. “फडणवीसजी तुमचे पूर्वज शाहू महाराजांकडे कार्यकर्ते म्हणून झाडू मारायला होते, हे विसरू नका. जाणीवपूर्वक केलेल्या या चुकीची छत्रपती शाहू स्मारकावर नाक घासून माफी मागा, नाहीतर तुमचे कार्यकर्ते तुम्हाला महाराष्ट्र ट्रोल करतोय म्हणून परत निवेदन सादर करायला जातील,” अशी मागणी मिटकरी यांनी केली आहे.

आणखी वाचा- देवेंद्र फडणवीसांनी शिव-शाहू भक्तांची माफी मागावी – छत्रपती संभाजीराजे भोसले

मनातील भावना बाहेर आली एवढंच; काँग्रेसनंही साधला निशाणा

या ट्विटवरून काँग्रेसचे प्रवक्ते सचिन सावंत यांनी देवेंद्र फडणवीस यांच्यावर टीका केली आहे. “संघाच्या मनुवादी विचारांच्या मुशीतून आलेल्या देवेंद्र फडणवीस यांनी छत्रपती शाहू महाराजांना कार्यकर्ता म्हणून कमी लेखन आश्चर्यकारक नाही. संघानं मनुवाद आणायचा असल्यानं महात्मा फुले, शाहू महाराज व डॉ. बाबासाहेब आंबेडकरांचा कायम आकस केला. मनातील भावना बाहेर आली एवढेच! जाहीर निषेध!,” असं ट्विट करत सावंत यांनी टीका केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2020 9:40 am

Web Title: ncp leader amol mitkari slam to devendra fadnavis bmh 90
Next Stories
1 दारुची दुकाने उघडा, या आवाहनामागची राज ठाकरेंची भावना चांगली असेल पण… – शिवसेना
2 मुंबईकरांच्या चिंतेत भर : पॉझिटिव्ह रुग्णांचे प्रमाण देशाच्या तुलनेत १२ टक्क्यांनी जास्त
3 विक्रमगडमधील मोगरा कोमेजला
Just Now!
X