24 November 2020

News Flash

राज्यसभेत मंजूर झालेला ‘हा’ कायदा शेतकऱ्यांना कॉर्पोरेट कंपन्यांच्या दावणीला बांधणारा – राजू शेट्टी

सरकार हमीभावाच्या जबाबदारीतून मुक्त होऊ पाहत आहे, असे देखील म्हटले.

संग्रहीत छायाचित्र

राज्यसभेत मंजूर झालेला कायदा हा शेतकऱ्यांना ‘कार्पोरेट कंपन्यां’च्या दावणीला बांधणारा असून केंद्र सरकारने हा कायदा संमत करून चुकीचं केले आहे, अशी टीका स्वाभिमानी शेतकरी संघटनेचे नेते माजी खासदार राजू शेट्टी यांनी रविवारी केली.

राजकीयदृष्ट्या वादग्रस्त ठरलेल्या दोन कृषी विधेयकांना राज्यसभेत मंजुरी मिळवून देण्यात मोदी सरकारला यश आले आहे. केंद्रीय कृषी मंत्री नरेंद्रसिंह तोमर यांनी रविवारी ही विधेयकं सभागृहात मांडल्यानंतर, विरोधकांनी या विधेयकांना कडाडून विरोध केला. राजू शेट्टी यांनी देखील याला विरोध केला आहे.

सरकार हमीभावाच्या जबाबदारीतून मुक्त होऊ पाहत आहे. देशात करार शेती असल्यास शेतकऱ्यांचे भले होईल, असे आभासी चित्र निर्माण केले जात आहे. देशभरातील शेतकऱ्यांच्या संघटना या विधेयकाचा यासाठीच विरोध करत आहेत. अकाली दलासारखा ग्रामीण भागात वाढलेला पक्षही शेतकरी विरोधी कायदा असल्याने सत्तेतून बाहेर पडत आहे. यावरूनच या कायद्याला ग्रामीण भागातून किती विरोध आहे, हे दिसते, असे शेट्टी म्हणाले.

कॉर्पोरेट कंपन्या शेतकऱ्यांना हमीभाव द्यायला बांधील नाहीत, मग यातून आमच्या शेतकऱ्यांना हमीभाव कसे मिळणार? याची कुठेही या कायद्यात तरतूद नाही. शेतकऱ्यांना यामधून काहीच मिळणार नाही, असे देखील यावेळी शेट्टी यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2020 8:26 pm

Web Title: raju shetty criticized the government for approving the agriculture bill in the rajya sabha msr 87
Next Stories
1 धक्कादायक : कर्जबाजारी झालेल्या बापाने स्वतःच्या मुलाला पाच लाखात विकले
2 पोलीस भरतीसाठी २५ ते ३० लाख अर्ज येण्याची अपेक्षा – अनिल देशमुख
3 ही सरळ सरळ बाळासाहेबांची बदनामी; निलेश राणेंची उद्धव ठाकरेंवर टीका
Just Now!
X