25 September 2020

News Flash

हज हाऊससाठी सत्ताधाऱ्यांची लगबग; सात दिवसांत निविदा निघण्याची शक्यता

विधानसभा निवडणुकांपूर्वी हज हाऊसची निविदा निघावी, यासाठी सत्ताधारी प्रयत्न करीत आहेत. मंगळवारी मुंबई येथे या अनुषंगाने बैठक घेण्यात आली. सिडको प्रशासन येत्या काही दिवसांत निविदा

| June 19, 2014 01:05 am

विधानसभा निवडणुकांपूर्वी हज हाऊसची निविदा निघावी, यासाठी सत्ताधारी प्रयत्न करीत आहेत. मंगळवारी मुंबई येथे या अनुषंगाने बैठक घेण्यात आली. सिडको प्रशासन येत्या काही दिवसांत निविदा काढेल, असे सांगितले जात आहे. हज हाऊस आणि वंदे मातरम् या दोन्ही सभागृहांचे भूमिपूजन एकाच वेळी होईल. मात्र, हज हाऊसची निविदा पहिल्यांदा निघेल.
शहरातील जिल्हाधिकारी निवासस्थानाच्या शेजारी असणाऱ्या मैदानात ही दोन्ही सभागृहे होणार आहेत. यासाठी तेथील अतिक्रमणे हटविण्यात आली. अतिक्रमण करणाऱ्यांना भूखंड देऊन इतरत्र हलवण्यात आले. त्यांना मोबदलाही देण्यात आला. विधानसभा निवडणुकीपूर्वी हे काम मार्गी लावावे, असे प्रयत्न केले जात आहे. मंगळवारी पालकमंत्री बाळासाहेब थोरात, पशुसंवर्धनमंत्री अब्दुल सत्तार, अल्पसंख्याकमंत्री नसीम खान यांच्या उपस्थितीत एक विशेष बैठक घेण्यात आली. या बैठकीला जिल्हाधिकारी विक्रम कुमार व सिडकोचे प्रशासकही उपस्थित होते. हज हाऊससाठी तयार करण्यात आलेले अंदाजपत्रक २९ कोटी ८८ लाख रुपयांचे आहे. सिडको उत्तर विभागाचे अभियंता मुंबई येथून या अनुषंगाने निविदा काढणार आहेत. वंदे मातरम् सभागृहासाठी साधारण तेवढय़ाच किमतीचे अंदाजपत्रक असावे. मात्र त्यासाठी पुनर्मान्यतेचा प्रस्ताव पाठविण्यात आला आहे. तो आल्यानंतर वंदे मातरम् सभागृहाची निविदाही काढली जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2014 1:05 am

Web Title: rural party aggressive for haj house
टॅग Aurangabad
Next Stories
1 जि.प. पोटनिवडणुकीच्या तोंडावर राजन भागवतांचा काँग्रेसला रामराम
2 सुशोभीकरण कामाच्या दर्जाबाबत संशय
3 कोल्हापूर विभाग राज्यात दुसरे. ९३ टक्के विक्रमी निकाल
Just Now!
X