23 September 2020

News Flash

तपासणीसाठी आलेल्या आरोग्य पथकांना ग्रामस्थांनी हाकलले, प्रशासकीय अधिकाऱ्यांना शिवीगाळ!

जाणून घ्या कुठं घडली घटना, खोटे रिपोर्ट देऊन करोनाबाधित ठरवले जात असल्याचा ग्रामस्थांकडून आरोप

करोनाच्या वाढत्या प्रादुर्भावाच्या पार्श्वभूमीवर अलिबाग तालुक्यात बोडणी येथे तपासणीसाठी गेलेल्या आरोग्य तपासणी पथकांना ग्रामस्थांनी हाकलून लावल्याची घटना आज घडली. एवढेच नाहीतर तपासणीसाठी सहकार्य करण्याची विनंती देखील ग्रामस्थांनी धुडकावून लावली. ग्रामस्थांची समजूत काढण्यासाठी गेलेल्या तहसीलदार आणि पोलीस अधिकाऱ्यांना येथील ग्रामस्थांच्या रोषाला सामोरे जावे लागले आहे.

गेल्या चार दिवसात करोनाचे ७२ रुग्ण आढळून आले आहेत.  त्यामुळे गावात मोठ्या प्रमाणात प्रशासनाने आरोग्य तपासणी मोहीम हाती घेतली आहे. मात्र ग्रामस्थांकडून आरोग्य तपासणी करून घेण्यास नकार दिला जात आहे. उलट तपासणीसाठी गावात येणाऱ्या आरोग्य कर्मचाऱ्यांच्या अंगावर धावून जाण्यास ग्रामस्थांनी सुरवात केली. त्यामुळे अलिबागचे तहसीलदार सचिन शेजाळ, मांडवा पोलीस स्टेशनचे सहाय्यक पोलीस निरीक्षक धर्मराज सोनके, गटविकास अधिकारी आणि तालुका आरोग्य अधिकारी ग्रामस्थांची समजूत काढण्यासाठी तिथे गेले. मात्र, खोटे रिपोर्ट देऊन ग्रामस्थांना करोनाबाधित ठरवले जात असल्याचा दावा या ग्रामस्थांनी केला. तसेच, आरोग्य तपासणी करून घेण्यास नकार दिला.

गावातील शेकडो नागरीक यावेळी रस्त्यावर उतरले होते. यात करोनाबाधित रुग्णांचाही समावेश होता. हे सर्वजण अधिकाऱ्यांशी हुज्जत घालत होते. तहसीलदार, पोलीस अधिकारी आणि काही पत्रकारांनाही या बोडणीकरांच्या रोषाला सामोरे जावे लागले. अखेर ग्रामस्थांच्या रोषापुढे हतबल झालेल्या प्रशासकीय यंत्रणांनी गावातून काढता पाय घेतला. दरम्यान गृह विलगीकरणात असलेले करोनाबाधित गावात फिरत असल्याने करोनाचा प्रादुर्भाव वाढण्याची शक्यता अधिक आहे.

ग्रामस्थांकडून तपासणीसाठी सहकार्य नाही –
गावात चार दिवसात जवळपास ७२ रुग्ण आढळून आले आहेत. त्यामुळे गावात व्यापक तपासणी मोहिम सुरु केली आहे. पण गावातील लोकांकडून या तपासणीसाठी सहकार्य केल्या जात नाही. त्यामुळे महसूल, पोलीस आणि आरोग्य विभागाचे अधिकारी मिळून ग्रामस्थांची समजूत काढण्याचा प्रयत्न केला. पण त्यांनी ऐकले नाही. उलट अधिकारी, कर्मचाऱ्यांच्या अंगावर धावून आले. असे  अलिबागचे तहसीलदार सचिन शेजाळ यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2020 5:31 pm

Web Title: the villagers expelled the health teams who came for inspection insulted the administrative officials msr 87
टॅग Coronavirus
Next Stories
1 देवेंद्र फडणवीस यांना अमृता यांच्याकडून खास शुभेच्छा; फोटो शेअर करत म्हणाल्या…
2 चंद्रपूरमध्ये उभारणार १४५ मेगावॅट क्षमतेचा सौर ऊर्जा प्रकल्प
3 “शिवसेनेचे मंत्री काँग्रेस आमदारांचा मानसन्मान ठेवत नाहीत, कामाच्या फाईली अडवतात”
Just Now!
X