28 May 2020

News Flash

#मोदी_परत_जा: एक दिवसात एक लाखाहून अधिक ट्विट

तमिळनाडू पाठोपाठ मोदींना महाराष्ट्रातही झाला विरोध

#मोदी_परत_जा

महाराष्ट्रातील विधानसभा निवडणुकीच्या पार्श्वभूमीवर पंतप्रधान नरेंद्र मोदींची पहिली सभा रविवारी जळगावमध्ये पार पडली. यावेळी मोदींनी आपल्या भाषणाला मराठीमधून सुरुवात केली. मात्र मोदींच्या या पहिल्याच सभेला अनेकांनी विरोध केल्याचे इंटरनेटवर पहायला मिळाले. #मोदी_परत_जा हा हॅशटॅग रविवारी रात्री मोदी भाषण संपवून परत गेल्यानंतरही ट्विटवर इंडियावर टॉप ट्रेण्डींग होता. महाराष्ट्रात पूर आला असताना मोदी आले नाही आणि आता मते मागायला आले आहेत, तसेच शेतकरी आत्महत्या झाल्यावर पंतप्रधान महाराष्ट्र दौरा करत नाहीत केवळ मते मागायला येतात अशा अशयाचे अनेक ट्विटस हा हॅशटॅग वापरुन करण्यात आले होते. ‘राईट टॅग डॉट कॉम’ या वेबसाईटवरील आकडेवारीनुसार या हॅशटॅग वापरुन एक लाखाहून अधिक ट्विटस एका दिवसात करण्यात आले. एकूण चार हजारहून अधिक जणांनाही हा हॅशटॅग आपल्या ट्विटमध्ये वापरल्याचे या वेबसाईटवरील डेटा सांगतो.

‘राईट टॅग डॉट कॉम’ या हॅशटॅग ट्रॅकिंग वेबसाईटच्या माध्यमातून #मोदी_परत_जा या हॅशटॅग संदर्भातील माहिती काढण्यात आली. त्यावेळी १० हजार ४५३ हून अधिक ट्विट हा हॅशटॅग वापरून करण्यात आल्याचे दिसते. तर चार हजार ४ हजार १९४ जणांनी हा हॅशटॅग वापरल्याचेही हा डेटा सांगतो. तसेच अॅण्ड्रॉइडबरोबरच आयफोन वापरणाऱ्यांनाही हा हॅशटॅग वापरुन ट्विट केल्याचे या डेटामध्ये नमूद करण्यात आले आहेत. दर तासाला #मोदी_परत_जा हा हॅशटॅग वापरून ७५० ट्विटस नेटकऱ्यांनी केले. एका तासामध्ये या ट्विटला ६० हजार ४०० लोकांनी पाहिले. तर तासाभरात २ हजारहून अधिक जणांनी ते रिट्विट केले.

 


पाहूयात काय म्हणाले होते नेटकरी

पूर आला तेव्हा

पूरग्रस्तांची मदत कुठेय?

शेतकरी विद्यार्थ्यांच्या समस्यांचे काय?

परत जा

शत्रूकडून आयात करणारे नको

बारा हजार शेतकऱ्यांची आत्महत्या

सगळ्या राज्यांना सारखी वागणूक देणारा हवा

सगळं छान आहे… नाही

आयटी सेल विरुद्ध

असे हॅशटॅग पाहिल्यावर

विकास केला तरी आयात

मराठी लोकांची ताकद

ट्रेण्ड पाहूनच कळतं मोदी कुठे आहेत

पुन्हा नको

रिंग रोड इंचभरही झाला नाही

मोदीही नको आणि कॅमेराही नको

मराठी प्रसारमाध्यमे बातम्या दाखवू लागली

वेगळे पण सारखेच

महाराष्ट्र म्हणजे गुजरात नाही

मुद्दे

खोटं बोलतात

फटका

नक्की वाचा >> #GoBackModi: तामिळनाडूत मोदींना विरोध पण जिनपिंग यांचे स्वागत

सलग दुसऱ्यांदा विरोध

शुक्रवार आणि शनिवारी चीनचे अध्यक्ष शी जिनपिंग हे दोन दिवसांच्या भारत दौऱ्यावर आले आहेत. तमिळनाडूतील महाबलीपूरम या सातव्या शतकातील स्मारके असलेल्या तटवर्ती शहरामध्ये झालेल्या दोन दिवसांच्या अनौपचारिक परिषदेमध्ये पंतप्रधान नरेंद्र मोदी व शी जिनपिंग यांच्यात चर्चा झाली. मात्र मोदींच्या या दौऱ्याला तामिळनाडूमधील नागरिकांनी विरोध केला होता. #GoBackModi हा हॅशटॅग ट्विटवर शुक्रवार सकाळपासूनच टॉप ट्रेण्ड होताना दिसत होता. विशेष म्हणजे तामिळनाडूच्या लोकांनी जिनपिंग यांना विरोध न करता त्यांनी केवळ मोदींना विरोध केला. #TNwelcomesXiJinping हा हॅशटॅग वापरुन तामिळनाडू जिनपिंग यांच्या स्वागतासाठी तयार असल्याचे अनेकांनी म्हटले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2019 1:50 pm

Web Title: more than one lakh tweets with hashtag modi parat ja scsg 91
Next Stories
1 तातडीने Delete करा धोकादायक 29 अ‍ॅप्स, गुगलने Play Store मधूनही हटवले
2 हे काय घडलं : आठ वर्षाच्या मुलाने पकडला ३१४ किलोचा शार्क
3 गाण्यानंतर आता डान्समुळे रानू मंडल चर्चेत; पाहा व्हायरल व्हिडिओ
Just Now!
X