नांदेड : शेतीपूरक साहित्य दुकान आगीच्या विळख्यात , ५० लाखांचे नुकसान ; चार तासानंतर आगीवर नियंत्रण | 50 lakhs loss in agricultural supply shop fire amy 95 | Loksatta

नांदेड : शेतीपूरक साहित्य दुकान आगीच्या विळख्यात , ५० लाखांचे नुकसान ; चार तासानंतर आगीवर नियंत्रण

स्वाती विवेक चिद्रावार यांचे विवेक एजन्सीज या नावाचे ठोक व किरकोळ शेतीपूरक साहित्य विक्रीचे नामांकित दुकान आहे.

नांदेड : शेतीपूरक साहित्य दुकान आगीच्या विळख्यात , ५० लाखांचे नुकसान ; चार तासानंतर आगीवर नियंत्रण
( प्रतिनिधिक छायाचित्र)

नवा मोंढा येथे शेतीपूरक साहित्य विक्रीच्या दुकानाला शनिवारी मध्यरात्रीनंतर अचानक आग लागून या दुकानातील सुमारे ५० ते ६०लाख रुपयांचे साहित्य जळून खाक झाले. या दुकानाच्या पाठीमागे असलेल्या एका दुकानाला प्रथम आग लागली आणि या आगीचे लोट या दुकानात शिरल्यानंतर आगीचा भडका उडाला. या आगीवर नियंत्रण मिळविण्यासाठी अग्नीशमन दलाच्या जवानांना सुमारे चार तास लागले.

स्वाती विवेक चिद्रावार यांचे विवेक एजन्सीज या नावाचे ठोक व किरकोळ शेतीपूरक साहित्य विक्रीचे नामांकित दुकान आहे. त्या दुकानामध्ये शेतीसाठी उपयुक्त असणारे ठिंबकचे बंडल, स्क्रीन कलर, तुषार पाईप, पीव्हीसी पाईप आणि इतर साहित्य होते. विशेष म्हणजे हे सर्व साहित्य प्लास्टिक स्वरूपात होते. खरीप हंगाम संपल्यानंतर आता रब्बी हंगामाला सुरुवात होत असल्याने चिद्रावार यांनी शेतीसाठी लागणार्‍या साहित्यांचा मोठा साठा उपलब्ध करून ठेवला होता. या दुकानाची रुंदी ५० तर लांबी ७० फूट असून सात – आठ मीटर उंचीचे टीनशेडचे दुकान आहे.

या दुकानाच्या पाठीमागील भागात संगीता सुनील राखे यांचे मंगलम ट्रेडर्स या नावाने प्लास्टिक साहित्य (युज अ‍ॅण्ड थ्रो) विक्रीचे दुकान आहे. शनिवारी रात्री सर्वप्रथम या दुकानात आग लागली. प्लास्टिकचे साहित्य असल्याने आगीचा लगेच फडका उडाला आणि विवेक एजन्सीच्या पाठीमागून ही आग या दुकानात शिरली. दोन्ही दुकानामध्ये प्लास्टिकचे साहित्य असल्याने आग विझविताना मोठे अडथळे येत होते. आग लागल्याची माहिती मिळाल्यानंतर विवेक चिद्रावार हे तातडीने घटनास्थळी दाखल झाले. त्यावेळी अग्नीशमन दलाची एक गाडी आग विझवत होती. परंतु आगीचे तांडव पाहता आणखी तीन गाड्या मागविण्यात आल्या. तसेच एमआयडीसीचे एक वाहन, पोर्टेबल पम्प आणि दोन टँकरच्या सहाय्याने आग विझविण्यास सुरुवात झाल्यानंतर तब्बल चार तासानंतर आगीवर नियंत्रण मिळविण्यास अग्नीशमन दलाच्या जवानांना यश आले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
खडसेंना तीन तास ऑफिसबाहेर बसवून अमित शाहांनी भेट नाकारली? गिरीश महाजनांनी स्पष्टच सांगितलं

संबंधित बातम्या

संजय राऊतांना कोर्टात बोलवून अटक होणार? कटकारस्थानाबाबत मोठा गौप्यस्फोट
“महिलांनी कपडे घातले नसले तरी…” त्या विधानानंतर बाबा रामदेव यांची माफी
राज्यपालांची पदमुक्त होण्याची इच्छा? राजभवनाने दिलं स्पष्टीकरण, म्हणाले…
‘महापुरुषांची बदनामी करु नका’, राज ठाकरेंनी ठणकावल्यानंतर फडणवीसांनी दिली प्रतिक्रिया, म्हणाले “कोणीही…”
मुलाच्या विवाह सोहळ्यात दिसली जयंत पाटील यांची राजकीय शक्ती; प्रतीक पाटील यांच्यासाठी तयारी सुरू

व्हिडिओ

ताज्या बातम्या
‘भगतसिंग कोश्यारी यांना राज्यपाल पदावरून हटवा, अन्यथा…’; शिवभक्त लोक आंदोलन समितीचा राज्य सरकारला इशारा
“देवेंद्रभाऊ करे तो रासलीला, हम करे तो…”, सुषमा अंधारेंची फडणवीसांवर खोचक टीका
जिल्हांतर्गत शिक्षक बदलीचे आता तिसरे वेळापत्रक; बदली प्रक्रिया मेमध्ये पूर्ण करण्याची शिक्षकांची मागणी
आफताबवर तलवारीने हल्ला का केला? हिंदू सेनेचा कार्यकर्ता म्हणाला, “आम्ही त्याला फाडून…”
भारतातील प्रसिद्ध रुग्णालय AIIMSचा सर्व्हर हॅक; हॅकर्सनी मागितली २०० कोटींची खंडणी