scorecardresearch

Premium

“शिंदे गटाचे अनेक आमदार जयंत पाटलांच्या संपर्कात”, मिटकरींच्या वक्तव्यावर सत्तारांचा जोरदार पलटवार, म्हणाले…

अमोल मिटकरींच्या दाव्यावर शिंदे गटातील नेते व राज्याचे कृषीमंत्री अब्दुल सत्तार यांनी जहरी टीका केली आहे.

Abdul Sattar Jayant Patil Amol Mitkari
अब्दुल सत्तार, जयंत पाटील व अमोल मिटकरी

राष्ट्रवादी काँग्रेसचे आमदार अमोल मिटकरी यांनी शिंदे गटातील अनेक आमदार राष्ट्रवादीचे प्रदेशाध्यक्ष जयंत पाटील यांच्या संपर्कात असल्याचा दावा केला. त्यांच्या या दाव्यावर शिंदे गटातील नेते व राज्याचे कृषीमंत्री अब्दुल सत्तार यांनी जहरी टीका केली आहे. “अमोल मिटकरींना एखाद्या चांगल्या डॉक्टरांकडे नेऊन तपासावे लागेल,” असे म्हणत सत्तारांनी मिटकरींवर हल्ला चढवला. ते शुक्रवारी (२ सप्टेंबर) अकोला दौऱ्यावर असताना ते प्रसारमाध्यमांशी बोलत होते.

पत्रकारांनी मिटकरींनी केलेल्या दाव्याविषयी विचारलं असता अब्दुल सत्तार यांना म्हणाले, “अमोल मिटकरींना एखाद्या चांगल्या डॉक्टरांकडे नेऊन तपासावे लागेल. त्यांना नेमकी काय अडचण आहे हे डॉक्टरच सांगू शकतील.”

nandurbar, aadiwasi melava, shivsena, shinde group, vijaykumar gavit, bjp, displeasure, dada bhuse, shrikant shinde, eknath shinde, devendra fadanvis, lok sabha elctions,
नंदुरबारमधील भाजपविरुद्धचा वाद शिंदे, फडणवीस यांच्यापुढे…शिवसेना मेळाव्यात दादा भुसे काय म्हणाले ?
tasgaon rr patil latest news in marathi, rr patil marathi news, rr patil loksabha election marathi news
तासगावमध्ये आर.आर.आबांच्या वारसदारांपुढे आव्हान
conflict between two factions of shiv sena during ambadas danve kolhapur visit
कोल्हापूर: अंबादास दानवे यांच्या कोल्हापूर दौऱ्यात शिवसेनेतील दोन गटातील संघर्ष शिगेला
Rupali Chakankar sanjay gaikwad
मराठा आरक्षणावरून शिंदे-अजित पवार गटात जुंपली, संजय गायकवाडांच्या वक्तव्यावर चाकणकरांचं चोख प्रत्युत्तर!

अमोल मिटकरी काय म्हणाले होते?

आमदार अमोल मिटकरी यांनी सरकारमधील अनेक आमदार आणि शिंदे गटातील बंडखोर आमदार राष्ट्रवादी काँग्रेसचे प्रदेशाध्यक्ष जयंत पाटील यांच्या संपर्कात असल्याचा दावा केला होता. याशिवाय मिटकरींनी अब्दुल सत्तार यांच्यावर कृषीमंत्रीपदावरूनदेखील निशाणा साधला होता. शरद पवार यांच्याकडून कृषी खाते सांभाळणे शिकावे, असा सल्ला त्यांनी सत्तार यांना दिला होता.

हेही वाचा : कृषीमंत्री अब्दुल सत्तारांचा पहाटे पाच वाजल्यापासूनच मेळघाटात दौरा सुरू

“मिटकरीसुद्धा आमच्या संपर्कात”

अमोल मिटकरींच्या या विधानाचा कृषीमंत्री सत्तार यांनी खरपूस समाचार घेत त्यांना प्रत्युत्तर दिले. ते म्हणाले, ”आमच्याकडील लोक राष्ट्रवादीत कशाला जाणार, उलट राष्ट्रवादीतून अनेक जण आमच्याकडे येत आहेत.” मिटकरीसुद्धा आमच्या संपर्कात आहेत, अशी मिश्किल टिप्पणीही त्यांनी केली.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Abdul sattar comment on claim of amol mitkari about contact with rebel shivsena mla pbs

First published on: 02-09-2022 at 16:57 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×