‘मी नथुराम गोडसे बोलतोय, या देशात माझेच विचार चालतील’ राष्ट्रवादीची फलकबाजी

काँग्रेसचे नेते राहुल गांधी यांनी स्वातंत्र्यवीर सावरकर यांच्याविषयी केलेल्या वादग्रस्त विधानावरून भाजपानं हिवाळी अधिवेशनाच्या पहिल्याच दिवशी आक्रमक भूमिका घेतली. भाजपा आमदारांनी ‘मी पण सावरकर’ असलेल्या टोप्या घालून विधिमंडळाच्या प्रवेशद्वारावर घोषणाबाजी केली. राहुल गांधी यांनी माफी मागावी, अशी मागणीही त्यांनी यावेळी केली.

दरम्यान, आंदोलन करणाऱ्या भाजपाला उत्तर देण्यासाठी आमदार प्रकाश गजभिये यांनी एकट्याने आंदोलन केले. यासाठी त्यांनी हातात एक छोटा फलक घेतला होता. त्यावर “म. गांधींचा खून मी केला. मी नथुराम गोडसे बोलतोय. या देशात माझेच विचार चालतील” असा मजकूर लिहिला होता.

या फलकबाजीद्वारे त्यांनी भाजपाला प्रत्युत्तर देण्याचा प्रयत्न केला. त्यांचा हातात फलक घेऊन एकट्याने आंदोलन करतानाचा फोटो व्हायरल झाला असून त्याची सर्वत्र चर्चा सुरु आहे.