लातूर : उदगीर पोलीस ठाण्याच्या हद्दीत होणाऱ्या अपघातांचे प्रमाण आणि गंभीर गुन्ह्यांत वाढ होत असल्याने वरिष्ठांची खप्पामर्जी होऊ नये म्हणून बोकडाचा बळी देण्याचा प्रकार उघडकीस आल्यानंतर अधिकारी व कर्मचाऱ्यांवर अंधश्रद्धा निर्मुलन कायद्यान्वये कारवाई करण्याची मागणी जोर धरू लागली आहे. पोलीस ठाण्यातील हा प्रकार चिंताजनक असल्याची प्रक्रिया अंधश्रद्धा निर्मूलन समितीचे प्रदेश कार्याध्यक्ष माधव बावगे यांनी व्यक्त केली.

दरम्यान, काही कर्मचाऱ्यांना बढती मिळाल्याने ‘पार्टी’ केल्याचा अजब खुलासा पोलिसांनी केला आहे.  उदगीर ठाण्याच्या प्रवेशद्वारावर बोकड व कसाई आणून बळी देण्याचा प्रकार १० दिवसांपूर्वी घडला. दारात बोकड कापल्याचे छायाचित्र समोर आल्यानंतर हे प्रकरण उघडकीस आले. या प्रकाराची अंधश्रद्धा निर्मूलन कायद्यान्वये चौकशी करण्याची मागणी केली जात आहे.

Emphsises on right to be free from the adverse effects of climate change
“नागरिकांना हवामान बदलाच्या प्रतिकूल परिणामांपासून मुक्त होण्याचा अधिकार”; सर्वोच्च न्यायालयाने दिलेल्या या निर्णयात महत्त्वपूर्ण काय आहे?
Stop on black market of water action will be taken against those who demand money for tankers
पाण्याच्या काळ्या बाजाराला बांध, टँकरसाठी पैसे मागणाऱ्यांवर कारवाई होणार
Loksatta anvyarth wheat rates Pradhan Mantri Garib Kalyan Food Yojana to Central Government
अन्वयार्थ: गव्हाचा सरकारी तिढा!
Boy killed for resisting unnatural act Sheel Daighar police arrests two
अनैसर्गिक कृत्यास विरोध केल्याने मुलाची हत्या, शीळ डायघर पोलिसांनी केली दोघांना अटक

हेही वाचा >>>शरद पवार गटाकडून तीव्र निदर्शने, राष्ट्रवादी काँग्रेस भवनावरील चिन्ह हटविले

वरिष्ठ अधिकाऱ्यांनी उदगीर पोलीस ठाण्यात दाखल अपघात व गंभीर गुन्ह्यांमध्ये वाढ होण्याचे प्रमाण कमी होत नाही याबद्दल चिंता व्यक्त केली होती. यावर काही जणांनी बोकड कापण्याचा उपाय सांगितला व त्या अधिकाऱ्यांनी क्रमांक तीनच्या अधिकाऱ्यावर ही जबाबदारी सोपवली.  कसायाने पोलीस ठाण्याच्या दारात बोकड कापले. त्यानंतर एका फार्म हाऊसवर ताव मारण्यात आला. याप्रकरणी उदगीरचे पोलीस निरीक्षक अरविंद पवार यांना विचारले असता, ‘गटबाजीतून हा प्रकार झाला आहे. मी अतिशय कडक पद्धतीने गेले वर्षभर काम केल्यामुळे जाणीवपूर्वक कोणी तरी ही बातमी पसरवली. मी त्या दिवशी पोलीस ठाण्यामध्ये उपस्थित नव्हतो’ असे सांगितले.

‘चौकशी करून योग्य ती कारवाई’

अतिरिक्त पोलीस अधीक्षक अजय देवरे यांच्याशी संपर्क साधला असता, ते म्हणाले, की या प्रकाराची सविस्तर माहिती घेतली जात आहे. चौकशी करून योग्य ती कारवाई केली जाईल. दरम्यान, हा प्रकार चिंताजनक असून, त्यावर कारवाई व्हायला हवी, असे मत अंधश्रद्धा निर्मूलन समितीचे प्रदेश कार्याध्यक्ष माधव बावगे यांनी व्यक्त केले.