पीटीआय, नवी दिल्ली

लोकसभा निवडणुकीच्या तोंडावरच दिल्लीत काँग्रेसला धक्का बसला. पक्षाचे दिल्ली अध्यक्ष अरविंदरसिंग लवली यांनी पदाचा राजीनामा दिला आहे. आम आदमी पक्षाशी आघाडीला विरोध करत त्यांनी हे पाऊल उचलले. काँग्रेसचे दिल्ली प्रभारी दीपक बाबरीया यांच्या हकालपट्टीची मागणी नेत्यांनी केली आहे.

Nandurbar lok sabha seat, Newly Elected MP Adv Gowaal Padavi, new leader of Tribal Community , Adv Gowaal Padavi political journey, gowaal padvi, sattakaran article,
ओळख नवीन खासदारांची : ॲड. गोवाल पाडवी (नंदुरबार, काँग्रेस) ; आदिवासींमधील नवीन नेतृत्व
Suresh Gopi
शपथविधीनंतर राजीनाम्याची चर्चा! केरळचे भाजपाचे मंत्री सुरेश गोपी म्हणाले, “मोदी सरकारच्या…”
BJP state president Chandrasekhar Bawankule is in trouble but Nana Patoles position in congress is strong with success
लोकसभा निवडणूक : भाजप प्रदेशाध्यक्ष चंद्रशेखर बावनकुळेंना धक्का, काँग्रेसच्या दणदणीत यशाने नाना पटोलेंना…
threat to rahul gandhi
“राहुल गांधी ओडिशात आले तर मी गोडसे होईल”, काँग्रेसकडून तक्रार दाखल
ramtek lok sabha marathi news
भाजप आमदारांच्या मतदारसंघातच शिवसेनेला फटका…बावनकुळेंच्या कामठीतही…
rahul gandhi reaction on Amethi constituency
अमेठीत स्मृती इराणी काँग्रेसच्या नेत्याकडून पराभूत; विजयी उमेदवाराबाबत राहुल गांधी म्हणाले, “भाजपाच्या लोकांना…”
Smriti Irani Amethi Result
केंद्रीय मंत्री स्मृती इराणींचा १ लाखांच्या मतांनी पराभव; काँग्रेसचे किशोरी लाल शर्मा विजयी
Jairam Ramesh On Narendra Modi
“नैतिक जबाबदारी स्वीकारून नरेंद्र मोदींनी राजीनामा द्यावा”; काँग्रेस नेते जयराम रमेश यांची मागणी

लवली यांनी काँग्रेस अध्यक्ष मल्लिकार्जुन खरगे यांना पाठविलेल्या राजीनामा पत्रात पक्षाच्या दिल्ली शाखेचा विरोध असतानाही आम आदमी पक्षाशी आघाडी करण्यात आल्याचा आरोप केला आहे. दिल्लीतील पदाधिकाऱ्यांनी बाबरीया यांच्याविरोधात घोषणाबाजी केली. दिल्ली अध्यक्ष म्हणून यापूर्वीच लवली यांनी आक्षेप घ्यायला हवा होता, असे बाबरीया यांनी नमूद केले. लवली यांनी मात्र पदाचा राजीनामा दिला असून, कोणत्याही पक्षात जाणार नसल्याचे स्पष्ट केले.

हेही वाचा >>>स्वतःच्या कुटुंबालाच मृत्यूच्या दरीत ढकल्यानंतर भारतीय व्यक्तीला अटक, सुनावणी सुरू असताना समोर आली धक्कादायक माहिती

उमेदवारांबाबत नाराजी

लोकसभा निवडणुकीत इंडिया आघाडीतून दिल्लीतील सातपैकी तीन जागा काँग्रेस लढवत असून, चार जागा आम आदमी पक्ष लढवत आहे. काँग्रेसने दोन ठिकाणी बाहेरच्या व्यक्तींना उमेदवारी दिल्याचा आरोप लवली यांनी पत्रकार परिषदेत केला. ईशान्य दिल्लीतून कन्हैय्याकुमार तर वायव्य दिल्लीतून उदित राज हे दोघेही बाहेरून आले असताना त्यांच्या उमेदवारीबाबत प्रश्नचिन्ह उपस्थित केले.

भाजपचा टोला

देश तोडण्याची भाषा बोलणाऱ्यांबरोबर कोणीही राहू शकत नाही हेच लवली यांच्या राजीनाम्याने सिद्ध झाल्याचा टोला भाजपचे दिल्ली अध्यक्ष वीरेंद्र सचदेवा यांनी लगावला आहे. तर हा काँग्रेसचा अंतर्गत प्रश्न असल्याची प्रतिक्रिया आम आदमी पक्षाने दिली आहे.