“तुमच्या-माझ्यात फक्त एवढाच फरक, तुम्ही स्वभावाने…” देवेंद्र फडणवीसांच्या वाक्यावर अजितदादांची खळखळून दाद

फडणवीस म्हणाले की, “दादा तुम्ही म्हणालात पुरेशी तरतूद काय म्हणजे काय ते समजलं नाही. पण दादा हा केवळ तुमच्या आणि माझ्या भाषेतला फरक आहे. तुम्ही जरा कडक आहात त्यामुळे तुम्ही आवश्यक तरतूद असा शब्द वापरता. तुमचे याआधीचे अर्थसंकल्प पाहा.” त्यानंतर फडणवीस यांनी अजित पवार यांनी २०२१-२२ मध्ये सादर केलेल्या अर्थसंकल्पीय तरतुदी वाचून दाखवल्या. त्यात आवश्यक तरदूद असा शब्द सातत्याने आला असल्याचं निदर्शनास आणून दिलं.

हे ही वाचा >> “आजूबाजूच्या चमच्यांमुळे मुख्यमंत्री शिंदे त्रस्त”; जितेंद्र आव्हाडांनी व्यक्त केली चिंता, म्हणाले, “मी त्यांना जवळून…”

“तुमच्या-माझ्यात फक्त एवढाच फरक…”

त्यानंतर फडणवीस म्हणाले की, दादा तुम्ही कडक स्वभावाचे असल्यामुळे तुम्ही ‘आवश्यक’ असा शब्द लिहिलात आणि मी स्वभावाने थोडा मृदू असल्याने मी ‘पुरेशी तरतूद’ असा शब्द लिहिला. एवढाच फरक आहे. तुमच्या आणि माझ्यामध्ये फार काही फरक नाही. तसेच दोघांच्या अर्थसंकल्पातील ‘चिन्हांकित’ आणि ‘प्रश्नांकित’ हे दोन वेगवेगळे शब्ददेखील फडणवीस यांनी यावेळी निदर्शनास आणून दिले.