scorecardresearch

Premium

९ तासांच्या छापेमारीत ईडीने काय केले? संजय राऊतांचे बंधू सुनिल राऊतांनी नेमके सांगितले, म्हणाले…

तब्बल ९ तास चौकशी आणि छापेमारी केल्यानंतर शिवसेनेचे खासदार संजय राऊत यांना ईडीने ताब्यात घेतले.

sanjay raut and ed
संजय राऊत आणि ईडी (संग्रहित फोटो)

तब्बल ९ तास चौकशी आणि छापेमारी केल्यानंतर शिवसेनेचे खासदार संजय राऊत यांना ईडीने ताब्यात घेतले. ईडीच्या या कारवाईनंतर शिवसैनिकांकडून संतप्त प्रतिक्रिया व्यक्त केल्या जात आहेत. तर ईडीने ताब्यात घेतल्यानंतर आम्ही झुकणार नाही. महाराष्ट्र कमजोर होत आहेत. मी शेवटपर्यंत शिवसेनेत राहणार. माझ्यावर करण्यात आलेले आरोप खोटे आहेत, अशी प्रतिक्रिया संजय राऊतांनी दिली. दरम्यान, राऊतांना ताब्यात घेतल्यानंतर त्यांचे बंधू सुनिल राऊतांनीही माध्यमांना प्रतिक्रिया दिली आहे. संजय राऊतांच्या मैत्री या बंगल्यात ईडीने नेमके काय काय केले, याबाबत त्यांनी सविस्तर माहिती दिली आहे.

हेही वाचा >> Ujjwal Nikam : संजय राऊतांपुढे आता कोणते पर्याय? ईडी काय करणार?

banner welcoming Mahesh Gaikwad
महेश गायकवाड यांच्या स्वागताचे कल्याणमध्ये फलक, फलकांवर भावी आमदार, टायगर म्हणून उल्लेख
Firing on Abhishek Ghosalkar dahisar shooter Mauris Noronha Marathi News
“…आणि मॉरिसने अभिषेक घोसाळकरांवर गोळ्या झाडल्या”, प्रत्यक्षदर्शी लालचंद पाल यांनी सांगितला थरार
mahatma gandhi and nathuram godse
महात्मा गांधींच्या हत्येनंतर कोर्टात काय घडलं? नथुराम गोडसेला फाशीची शिक्षा कशी झाली? वाचा…
BJP leader fraud FIR
फसवणूक प्रकरणी भाजपच्या माजी नगरसेवकासह मुलाविरुद्ध आणखी एक गुन्हा

“संजय राऊत झुकणार नाहीत. त्यांच्यावर जी कारवाई झाली ती चुकीची आहे. संजय राऊत अटकेला तयार आहेत. खोट्या आरोपाखाली त्यांना फासावर लटकवलं तरी ते झुकणार नाहीत. ते शेवटच्या क्षणापर्यंत शिवसेना सोडणार नाहीत. संजय राऊत आणि त्यांचे कुटुंबीय शेवटच्या क्षणापर्यंत उद्धव ठाकरेंसोबत राहतील,” असे सुनिल राऊत म्हणाले.

हेही वाचा >> संजय राऊतांवरील कारवाईनंतर उद्धव ठाकरेंची पहिली प्रतिक्रिया, म्हणाले “लज्जा, शरम…”

“त्यांनी मैत्री बंगल्यामध्ये तपास केला. माझ्या तिन्ही फ्लोअरची तपासणी केली. जेवढे कागदपत्रं हवे होते, तेवढे त्यांनी घेतले आहेत. आम्ही ती कागदपत्रे त्यांना अगोदरच दिली होती,” अशी माहिती संजय राऊत यांचे बंधू सुनिल राऊत यांनी दिली आहे.

हेही वाचा >> NIAची देशभरात मोठी कारवाई! ६ राज्यांत १३ ठिकाणांवर छापे; नांदेड, कोल्हापुरातून २ संशयितांना अटक

ईडीने ताब्यात घेतल्यानंतर संजय राऊत काय म्हणाले?

“जी कारवाई व्हायची ती होऊ दे, मी घाबरत नाही. राजकीय सुडापोटी हा सर्व खेळ सुरू आहे. माझा पक्ष माझ्या पाठीशी आहे. उद्धव ठाकरे, शिवसैनिक यांचं माझ्यामागे बळ आहे. संजय राऊतला शिवसेनेमुळे राज्य व देश ओळखतो. संजय राऊत कधीच गुडघ्यावर चालत नाही, सरपटत नाही. निधड्या छातीने उभा राहतो आणि लढतो. त्यामुळे या कारवाईला देखील मी निधड्या छातीने सामोरं जाणार आहे. यातूनच महाराष्ट्राला बळ मिळेल,” अशी प्रतिक्रिया संजय राऊतांनी ईडीच्या कारवाईनंतर दिली.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ed detains sanjay raut brother sunil raut said what ed had done while raid prd

First published on: 31-07-2022 at 18:30 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×