“शिवसेनेचे बंडखोर आमदार दलित आणि वंचितविरोधी, ते हिंदूत्वही मानत नाहीत; कारण तसं असतं तर…”

ज्या वेळेस राज्यात महाविकास आघाडी सरकार आलं आणि उद्धव ठाकरे मुख्यमंत्री तसेच अजित पवार उपमुख्यमंत्री झाले त्यानंतर काही कालावधीमध्ये महाराष्ट्रावर करोनाचं संकट आलं, असं खरात यांनी म्हटलंय. “हे सरकार आल्यानंतर काही कालावधीमध्येच महाराष्ट्रात मोठ्या प्रमाणात करोनाची लाट पसलेली होती. त्या कालावधीमध्ये राज्य सरकार मोठ्या आर्थिक संकटामध्ये सापडलेलं असतानाही दादारमधील इंदू मीलमध्ये डॉक्टर बाबासाहेब आंबेडकरांचं जे स्मारक होतंय त्याचं काम या सरकारने सुरु ठेवलं आणि ते आजही सुरु आहे,” असं खरात यांनी म्हटलंय.

नक्की वाचा >> बंडखोर आमदारांच्या स्वागतासाठी भाजपाची तयारी?; फडणवीसांच्या घरी झालेल्या बैठकीत कार्यकर्त्यांना निर्देश

पुढे बोलताना खरात यांनी, “२८ तारखेला या सरकारने महात्मा फुले महाविकास मंडळाला एक हजार कोटींचं भागभांडवल जाहीर केलं. नंतर चर्मकार विकास महामंडळाला एक हजार कोटी भागभांडवल जाहीर केलं. साहित्यरत्न अण्णाभाऊ साठे महामंडळाही एक हजार कोटी भागभांडवल जाहीर केलं. तसेच अपंगांसाठी असणारं दिव्यांग वित्त महामंडळासाठी ५०० कोटी रुपये जाहीर केलं. या साऱ्यामुळे शिवसेनेच्या बंडखोर आमदारांच्या पोटात दुखू लागलं. त्यांना याचं वाईट वाटलं,” असा आरोप केलाय.

पाहा व्हिडीओ –

नक्की वाचा >> Maharashtra Political Crisis: संजय राऊतांचे बंधूही गुवाहाटीला जाणार? सुनील राऊत म्हणाले, “माझ्यासाठी आमदारकी…”

“हे सरकार शाहू, फुले, आंबेडकरांबरोबरच रयतेचे राजे शिवाजी महाराज, संभाजीराजे आणि आहिल्याबाई होळकरांच्या यांच्या विचाराने का चालतंय? गोळवलकर गुरुजी, हेगडेवार यांच्या विचाराने का चालत नाही? असं त्यांना वाटलं. माझा स्पष्ट आरोप आहे हे हिंदूत्वसुद्धा मानत नाहीत. हिंदूत्व मानत असते तर ते मुफ्तींबरोबर का गेले?,” असा प्रश्न खरात यांनी उपस्थित केलाय.

नक्की वाचा >> “महाराष्ट्राचे तीन तुकडे करण्याची…”, भाजपाला लक्ष्य करत शिवसेनेचा हल्लाबोल; “लाज असती तर…” म्हणत बंडखोरांवर टीका

“देवेंद्र फडणवीस सरकारच्या काळात एकनाथ शिंदे म्हणत होते की राजीनामा माझ्या खिशात आहे. त्यामुळे हे साफ खोटं बोलतात. माझा आरोप आहे की हे बंडखोर आमदार दलितविरोधी आणि वंचितविरोधी आहेत,” असंही खरात यांनी म्हटलंय.