कोकणातील पहिल्या’भोसले सैनिक स्कूल’चे उद्घाटन: सिंधुदुर्ग जिल्ह्याच्या शौर्यपरंपरेला नवा आयाम!

​यशवंतराव भोसले एज्युकेशन सोसायटी संचालित, केंद्रीय संरक्षण मंत्रालय भारत सरकार व सैनिक स्कूल सोसायटी मान्यता प्राप्त कोकणातील पहिले ‘भोसले सैनिक स्कूल’ चे उद्घाटन ना. नितेश राणे यांच्या हस्ते संपन्न झाले.

पालकमंत्री राणे म्हणाले,​छत्रपती शिवाजी महाराजांपासून सिंधुदुर्ग जिल्ह्याला शौर्याचा व संघर्षाचा इतिहास आहे. हा जिल्हा सैनिकांचा जिल्हा म्हणून ओळखला जातो.​केंद्रीय संरक्षण मंत्रालयाच्या मान्यतेने कोकणात होत असलेले हे पहिले सैनिक स्कूल म्हणजे आपल्या सिंधुदुर्ग जिल्ह्यासाठी सुवर्ण अक्षरामध्ये नोंद करण्यासारखा क्षण आहे.​या स्कूलच्या माध्यमातून जिल्ह्यातून देशाचे संरक्षण करण्यासाठी अधिकारी तयार केले जातील याचा आम्हाला सार्थ अभिमान आहे.​’भोसले सैनिक स्कूल’मुळे जिल्ह्याच्या शौर्यपरंपरेला नवा आयाम प्राप्त होणार आहे.

​माजी शिक्षणमंत्री आमदार दीपक केसरकर

​सैनिक परंपरा असलेल्या सावंतवाडी तालुक्यात ‘भोसले सैनिक स्कूल’चे उद्घाटन होणे हा अभिमानाचा क्षण आहे.

​यशवंतराव भोसले एज्युकेशन सोसायटीच्या या कोकणातील पहिल्या सैनिक स्कूलचे देशाच्या संरक्षणात सहभागी होणाऱ्या सैनिकांना घडविण्यात मोठे योगदान असेल.

​भोसले नॉलेज सिटीचा आज वटवृक्ष होताना पाहून आनंद होत असून, स्कूल अत्याधुनिक सुविधांनी युक्त असेल.​स्थानिक आमदार म्हणून संरक्षण मंत्रालयाची मान्यता असलेल्या या स्कूलचा आपल्याला अभिमान वाटतो.

​​उद्घाटन सोहळ्याला ​राज्याचे मत्स्यव्यवसाय व बंदरे विकासमंत्री तथा जिल्ह्याचे पालकमंत्री ना. नितेश राणे,​माजी शालेय शिक्षण मंत्री आमदार दीपक केसरकर, ​जिल्हा बँक अध्यक्ष मनीष दळवी, ​भोंसले नॉलेज सिटीचे कार्याध्यक्ष अच्युत भोंसले,​अध्यक्षा ॲड. अस्मिता भोंसले, ​सचिव संजीव देसाई,​भोंसले सैनिक स्कूलचे चिफ एक्झिक्युटीव्ह ऑफिसर रत्नेश सिन्हा, ​अखिल भारतीय पूर्व सैनिक सेवा परिषद उपाध्यक्ष ग्रुप कॅप्टन श्रीकांत वालवडकर ​अभाविपचे कोकण प्रांत संघटन मंत्री निरज चौधरकर,​अखिल भारतीय पूर्व सैनिक सेवा परिषद अध्यक्ष मेजर विनय देगांवकर उपस्थित होते.

​भोसले नाॅलेज सिटीचे कार्याध्यक्ष अच्युत सावंत भोसले आणि भोंसले सैनिक स्कूलचे चिफ एक्झिक्युटीव्ह ऑफिसर रत्नेश सिन्हा यांनी स्कूल संदर्भात सर्वंकष माहिती सादर केली.