सोलापूर : अलिकडे राजकारणात जाती-धर्माचा प्रभाव इतका वाढला आहे की त्यात देशाची अर्थव्यवस्था, वाढती बेरोजगारी, दररोजचे जगण्याचे प्रश्न बाजूला पाडले जात आहेत. जाती-धर्माचा राजकारणावरील पगडा असाच वाढला तर भारत देशाचा पाकिस्तान होण्यास विलंब लागणार नाही. रोजगाराचा प्रश्न वरचेवर गंभीर होत असून तो गांभीर्याने न पाहिल्सास आगामी संपूर्ण दशक हिंसक बनेल, असा इशारा ज्येष्ठ वात्रटीकाकार रामदास फुटाणे यांनी दिला आहे.

सोलापूर लोकसभा निवडणुकीत काँग्रेसच्या उमेदवार प्रणिती शिंदे यांना समर्थन देण्यासाठी फुटाणे यांनी प्रसार माध्यमांशी संवाद साधला. ते म्हणाले, मी सुरुवातीपासून काँग्रेस विचारांचा असलो तरी कवी म्हणून काँग्रेससह सर्वच राजकीय पक्षांतील विसंगती शोधत असतो. सर्वच पक्षांमध्ये मोठ्या प्रमाणावर विसंगती आहेत. कवी, लेखकांनी सत्तेच्या बाजूने नाही तर सत्तेच्या विरोधात उभे राहायला हवे. व्यवस्थेला प्रश्न विचारायला हवेत.
लोकसभा निवडणूक पात्र खासदार निवडून देण्यासाठी असते. देशाची अर्थव्यवस्था, आंतरराष्ट्रीय राजकारण, विकासाच्या प्रश्नांची जाण असणारे खासदार निवडून गेले पाहिजेत. प्रणिती शिंदे यांच्यात ही पात्रता असल्याचा दावा त्यांनी केला.

Savitribai Khanolkar Marathi name for designing the Param Vir Chakra award
सावित्रीबाई खानोलकर… परमवीर चक्र पुरस्काराचं डिझाईन करणारं मराठमोळं नाव
Nana Patole Washing Feet
कार्यकर्त्याने पाय धुतल्याचा VIDEO व्हायरल झाल्यानंतर नाना पटोलेंचं स्पष्टीकरण; म्हणाले, “कार्यकर्ता वरून…”
Parth Pawar, Rohit Pawar, Ajit Pawar,
पक्षात नाराज असल्याच्या चर्चांवर रोहित पवारांनी दिलं स्पष्टीकरण; म्हणाले, “माझ्या स्वभावानुसार…”
Hindutva organization trimbakeshwar marathi news
त्र्यंबकेश्वरमध्ये प्रसाद शुद्धीकरणासाठी हिंदुत्ववादी संघटनांतर्फे प्रमाणपत्र, अंनिसचा आक्षेप; दुकानदारांची नाराजी
Sharad Pawar vs Ajit Pawar_ Who is Yugendra Pawar_
Ajit Pawar vs Yugendra Pawar: पुतण्या काकाचा पराभव करणार का? कोण आहेत युगेंद्र पवार?
What Chhagan Bhujbal Said?
अजित पवारांना बरोबर घेतल्याने भाजपाचं नुकसान? छगन भुजबळांचं भुवया उंचावणारं उत्तर; म्हणाले, “आम्हाला..”
Bajrang Sonwane On Amol Mitkari
“अमोल मिटकरी अजित पवारांच्या बंगल्यावरील ऑपरेटर आहेत का?”, बजरंग सोनवणेंचा टोला; म्हणाले, “…तर जनता चपलेने मारेल”
Kisan Kathore, Bhiwandi,
भिवंडीत बाळ्यामामा म्हात्रेंच्या विजयापेक्षा किसन कथोरेंचीच चर्चा अधिक

हेही वाचा – मोदींची विकासाची तर राहुलजींची चायना गॅरंटी – अमित शहा

हेही वाचा – पीडित ढवळे कुटुंबाला न्याय का दिला नाही? उद्धव ठाकरेंना राष्ट्रवादीचा सवाल

राजकारणात जाती-धर्माचा वाढलेला पगडा पाहता परमेश्वरालाच पश्चाताप वाटावा इतकी भयाण स्थिती पाहायला मिळते. धर्माचा संबंध नैतिकतेशी आहे. परंतु ही नैतिकता राजकारणात धर्माचा, जातींचा प्रभाव पाहता कोठेही दिसत नाही. धर्मातून माणसांना माणसे जोडली जातात. परंतु सध्या माणसांना माणसांपासून तोडण्यासाठी धर्म-जातींचा दुरूपयोग होत आहे, अशी खंत फुटाणे यांनी व्यक्त केली. यावेळी उद्योजक दत्ता सुरवसे, मसाप सोलापूर शाखेचे पद्माकर कुलकर्णी आदी उपस्थित होते.