Incident of robbers stealing 8 kg of gold and 40 kg of silver in the middle of the night from the Waluj ४० किलो चांदी घेऊन पसार

या माहितीनंतर वाळूज एमआयडीसी पोलीस, ठसे तज्ज्ञ व श्वान पथकासह वरिष्ठ अधिकारी घटनास्थळी दाखल असून, सोने, चांदीशिवाय अन्य काय-काय ऐवज चोरीस गेला आहे, याची माहिती घेत असल्याचे वरिष्ठ पोलीस अधिकाऱ्यांनी सांगितले.

Incident of robbers stealing 8 kg of gold and 40 kg of silver in the middle of the night from the Waluj Industrial Estate area near Chhatrapati Sambhajinagar

बजाजनगरमध्ये धाडसी दरोडा; आठ किलो सोने, ४० किलो चांदी घेऊन पसार (छायाचित्र लोकसत्ता टीम)

छत्रपती संभाजीनगर : विदेशात गेलेल्या उद्योजकाच्या निवासस्थानातील सुरक्षा रक्षकाचे हातपाय बांधून घरातील ८ कोटी रुपये किमतीचे ८ किलो सोने व ४० किलो चांदी दरोडेखोरांनी मध्यरात्री पळवून नेल्याची थरारक घटना छत्रपती संभाजीनगरजवळील वाळूज औद्योगिक वसाहत भागात सकाळी उघडकीस आली. या माहितीनंतर वाळूज एमआयडीसी पोलीस, ठसे तज्ज्ञ व श्वान पथकासह वरिष्ठ अधिकारी घटनास्थळी दाखल असून, सोने, चांदीशिवाय अन्य काय-काय ऐवज चोरीस गेला आहे, याची माहिती घेत असल्याचे वरिष्ठ पोलीस अधिकाऱ्यांनी सांगितले.

उद्योजक संतोष लड्डा यांच्या घरात हा दरोडा पडला असून, ते व त्यांची पत्नी सध्या अमेरिकेत शिकत असलेल्या मुलाकडे गेले आहेत. त्यांच्याशी संपर्क झाल्यानंतर त्यांच्या वतीने जबाब देण्यात आल्यानंतर घटनेचा अधिक तपशील स्पष्ट होणार आहे.

This quiz is AI-generated and for edutainment purposes only.

लड्डा कुटुंबीय अमेरिकेत गेल्याने त्यांनी जाण्यापूर्वी घरामध्ये एका सुरक्षा रक्षकाला नियुक्त केले होते. घटनेवेळी सहा दरोडेखोर घरात घुसले व त्यांनी त्या सुरक्षा रक्षकाचे हात पाय बांधून डांबून ठेवले. पैकी एकाने रक्षकावर बंदूकही रोखले. उर्वरीत दरोडेखोरांनी घरातील ८ किलो सोने व ४० किलो चांदी लुटली आणि सर्व जण पसार झाल्याची प्राथमिक माहिती आहे.

हेही वाचा

आजगावात जयवंत दळवींच्या ‘निवडक ठणठणपाळ’वर रंगली साहित्य चर्चा

Web Title: Incident of robbers stealing 8 kg of gold and 40 kg of silver in the middle of the night from the waluj industrial estate area near chhatrapati sambhajinagar phm 00