लोकसत्ता प्रतिनिधी

सोलापूर : भारताचा विकास ज्यांच्या नेतृत्वाखाली उंचावला आहे, त्या पंतप्रधान नरेंद्र मोदींना देशातील सर्व गोरगरिबांचा आशीर्वाद लाभला आहे. या आशीर्वादामुळेच कोणी किती प्रयत्न केले तरी मोदींचा केस सुध्दा वाकडा होणार नाही. यंदाची लोकसभा निवडणूक नरेंद्र मोदी विरूद्ध राहुल गांधी यांच्यातच होणार असून यात पुन्हा सलग तिसऱ्या मोदी हेच पंतप्रधान बनतील, असा दावा उपमुख्यमंत्री देवेंद्र फडणवीस यांनी केला आहे.

Devendra Fadnavis claimed that Sharad Pawar and Uddhav Thackeray will merge with Congress
उपमुख्यमंत्री देवेंद्र फडणवीस यांचा मोठा दावा; म्हणाले, चार जूननंतर शरद पवार, उद्धव ठाकरे…
Devendra Fadnavis
“सदाभाऊ यावेळी संधी पक्की, पण पुढच्या वेळी…”; देवेंद्र फडणवीसांचं शिंदे गटाच्या नेत्याबाबत मोठं विधान
rahul gandhi on adani ambani
राहुल गांधींचे निवडणुकीच्या घोषणेपासून अदाणी-अंबानींवर मौन, पंतप्रधान मोदींच्या या दाव्यात किती सत्य?
PM Narendra Modi criticism of Congress as money from Ambani Adani
काँग्रेसला अंबानी-अदानींकडून पैसा; पंतप्रधान मोदी यांचा हल्लाबोल, राहुल गांधी यांच्या कथित मौनावर बोट
Narendra Modi and Raj Thackeray Meeting in Kalyan
कल्याणमध्ये नरेंद्र मोदी, राज ठाकरे यांच्या सभा
rajendra gavit, rajendra gavit latest news,
उमेदवारी नाकारली तरीही खासदार राजेंद्र गावित यांचा भाजपमध्ये प्रवेश, भविष्यात आमदारकी ?
Former Chief Minister Uddhav Thackeray
“आजच्या सरकारला डोकं नाही, फक्त…”; उद्धव ठाकरे यांचा मुख्यमंत्री शिंदे आणि फडणवीसांवर हल्लाबोल
Sharad Pawar On PM Narendra Modi
शरद पवार यांचा नरेंद्र मोदींना टोला; म्हणाले, “पंतप्रधान नाही तर आठवडामंत्री…”

सोलापूर आणि माढा लोकसभेसाठी भाजपचे उमेदवारी अर्ज दाखल होताना फडणवीस हे पक्षाला बळ देण्यासाठी सोलापुरात आले होते. उमेदवारी अर्ज दाखल झाल्यानंतर चार हुतात्मा पुतळ्यांजवळ आयोजित जाहीर सभेत फडणवीस यांनी काँग्रेससह महाविकास आघाडीवर हल्लाबोल केला. भर दुपारच्या रणरणत्या उन्हात झालेल्या या सभेला हजारापेक्षा अधिक जनसमुदाय उपस्थित होता.

आणखी वाचा-तप्त उन्हात शक्तिप्रदर्शन करीत सोलापूर व माढ्यासाठी भाजपचे उमेदवारी अर्ज दाखल

फडणवीस यांनी मागील दहा वर्षात मोदी सरकारने राबविलेल्या विविध विकास योजनांचा उल्लेख करून त्या माध्यमातून देशातील सर्व घटकांचा विकास झाल्याचा दावा केला. ते म्हणाले, नरेंद्र मोदी यांच्या नेतृत्वाखाली राष्ट्रीय लोकशाही आघाडी तथा महायुती आहे. तर दुसरीकडे राहुल गांधी यांच्या इंडिया आघाडीचा पर्याय आहे. मोदी हे विकासाच्या गाडीचे शक्तिशाली इंजिन आहेत. त्याला राष्ट्रीय लोकशाही आघाडीचे डबे लागले आहेत. शिवसेना शिंदे गट, राष्ट्रवादी अजित पवार गट, रामदास आठवले यांचा रिपाइं असे विविध घटक पक्ष डब्यांच्या रूपाने आहेत. या गाडीत गोरगरीब, दीनदलित, आदिवासी, शेतकरी, शेतमजूर, तरूण, महिला, अल्पसंख्याक, ओबीसी अशा सर्वांना बसायला जागा आहे. परंतु दुसरीकडे राहुल गांधी यांच्या गाडीला डबेच नाही. त्यांच्या इंडिया आघाडीला प्रत्येक पक्षाला आपणच गाडीचे इंजिन असल्यासारखे वाटते. इंजिनमध्ये बसायला फक्त चालकासाठीच जागा असते, अशा शब्दांत फडणवीस यांनी विरोधकांना टोला लगावला.