scorecardresearch

Premium

“…तर त्याचा कार्यक्रमच करतो”, मनोज जरांगेंचा छगन भुजबळांना अप्रत्यक्ष इशारा

मनोज जरांगे पाटील यांनी मंत्री छगन भुजबळ यांच्यावर जोरदार टीकास्र सोडलं आहे.

Manoj Jarange Chhagan Bhujbal
एकेरी उल्लेख करत जरांगेंचा भुजबळांवर हल्लाबोल (छायाचित्र – लोकसत्ता ग्राफिक्स टीम)

अन्न तथा नागरी पुरवठा मंत्री छगन भुजबळ आणि मराठा आंदोलक मनोज जरांगे पाटील यांच्यातील वाद थांबायचं नाव घेत नाहीये. दोघांकडून एकमेकांवर जोरदार टीकास्र सोडलं जात आहे. मराठा समाजाला ओबीसी प्रवर्गातून आरक्षण मिळावं, या मनोज जरांगेंच्या मागणीला मंत्री छगन भुजबळ यांनी विरोध केला आहे. मराठा समाजाला ओबीसी प्रवर्गातून आरक्षण देऊ नये, त्यांना स्वतंत्र आरक्षण द्यावं, अशी भूमिका छगन भुजबळ यांनी घेतली आहे.

यानंतर छगन भुजबळ आणि मनोज जरांगे पाटील यांच्यात वैयक्तिक वाद सुरू झाला आहे. दोघांकडून एकमेकांवर वैयक्तिक टीका केली जात आहे. दरम्यान, यवतमाळ जिल्ह्याच्या उमरखेड येथील सभेतून मनोज जरांगे पाटील यांनी पुन्हा एकदा छगन भुजबळांवर हल्लाबोल केला आहे. एकदा मराठ्यांना आरक्षण मिळालं की छगन भुजबळांचा कार्यक्रमच करतो, असा अप्रत्यक्ष इशारा मनोज जरांगे यांनी दिला आहे.

Rohit pawar and ajit pawar (1)
“आमच्या काकांनी मला अडचणीत आणण्याकरता…”, रोहित पवारांचा अजित पवारांवर गंभीर आरोप
Amol Mitkari on Jitendra Awhad
‘घाऱ्या डोळ्यांचा तथाकथित पुरोगामी’, अजित पवारांवरील टीकेनंतर अमोल मिटकरींचा आव्हाडांवर पलटवार
tasgaon rr patil latest news in marathi, rr patil marathi news, rr patil loksabha election marathi news
तासगावमध्ये आर.आर.आबांच्या वारसदारांपुढे आव्हान
What Devendra Fadnavis Said?
उद्धव ठाकरेंच्या ‘मनोरुग्ण’ टीकेला देवेंद्र फडणवीस यांचे प्रत्युत्तर; म्हणाले, “त्यांच्या डोक्यावर…”

उमरखेड येथील सभेतून मराठा समाजाला उद्देशून केलेल्या भाषणात मनोज जरांगे म्हणाले, “विरोध करणाऱ्यांचा तुम्ही ताण घेऊ नका. त्यांना मी एकटाच खंबीर आहे. एकदा आरक्षण मिळू द्या, त्याचा (छगन भुजबळ) कार्यक्रमच वाजवतो. इतक्या उच्च दर्जाचा मंत्री, एक पुढारी साध्या साध्या गोरगरीब मराठ्यांच्या लेकरांना आरक्षण मिळतंय तर तो आडवा येतोय. याच्यासारखा कलंकित मंत्री या राज्यात दुसरा असूच शकत नाही.”

हेही वाचा- “जितेंद्र आव्हाड राजकारणातील राखी सावंत”, अजित पवार गटाच्या नेत्याची बोचरी टीका

सध्या नागपूरमध्ये महाराष्ट्राच्या विधीमंडळाचं हिवाळी अधिवेशन सुरू आहे. या अधिवेशनात मराठा आरक्षणावर तोडगा निघण्याची शक्यता आहे, अशी सूचक वक्तव्यं सत्ताधारी पक्षाच्या नेत्यांकडून करण्यात आली आहेत. त्यामुळे मराठा आरक्षणाचा प्रश्न मार्गी लागणार का? याकडे सर्वांचं लक्ष लागलं आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Manoj jarange patil on chhagan bhujbal maratha reservation rmm

First published on: 07-12-2023 at 15:39 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×