तालुक्यातील नागलवाडी येथे घराबाहेर झोपलेल्या १६ वर्षीय मुलीवर एकाने बलात्कार केल्याची घटना घडल्याने गावात खळबळ उडाली आहे. या प्रकरणी संशयिताला पोलिसांनी ताब्यात घेतले आहे. उकाडय़ामुळे नागलवाडी येथे वास्तव्यास असणारी मुलगी घराबाहेर अंगणात झोपली होती. रात्री दोनच्या सुमारास संशयित मुकेश ऊर्फ योगेश कांतीलाल राजपूत याने तिच्या तोंडात कापडी बोळा कोंबून बळजबरीने उचलून घरात नेले आणि तिच्यावर अत्याचार केले. पीडित मुलीने याबाबत चोपडा पोलीस ठाण्यात तक्रार दिल्यानंतर गुन्हा दाखल करण्यात आला. संशयित राजपूतला पोलिसांनी ताब्यात घेतले आहे.
