scorecardresearch

Premium

वर्षा बंगल्यावरच्या कृत्रिम हौदात उतरुन श्रीकांत शिंदेंनी दिला लाडक्या गणरायला निरोप, मुख्यमंत्री म्हणाले…

खासदार श्रीकांत शिंदे यांनी कृत्रीम तलावात उतरून लाडक्या गणरायाला निरोप दिला.

Shrikant Shinde at varsha bungalow
खासदार श्रीकांत शिंदे गणरायाला निरोप देताना (फोटो सौजन्य-एकनाथ शिंदे, ट्विटर अकाऊंट)

महाराष्ट्रात १० दिवसांपासून सुरु असलेल्या गणेश उत्सवाची सांगता अनंत चतुर्दशीच्या दिवशी झाली. साश्रू नयनांनी लाडक्या गणरायाला निरोप देण्यात आला. मुख्यमंत्री एकनाथ शिंदे यांच्या वर्षा या निवासस्थानीही गणरायाचं आगमन झालं होतं. गणरायाच्या विसर्जनासाठी जो कृत्रिम हौद वर्षा बंगल्यावर तयार करण्यात आला होता त्या हौदात उतरुन खासदार श्रीकांत शिंदे गणपतीचं विसर्जन केलं. मुख्यमंत्री एकनाथ शिंदे यांनी हे फोटो X वर (ट्विटर) पोस्ट केले आहेत.

मुख्यमंत्री एकनाथ शिंदेंनी काय म्हटलं आहे?

वर्षा बंगल्याच्या आवारात तयार करण्यात आलेल्या कृत्रिम हौदात पर्यावरणपूरक पद्धतीने श्रींचे विसर्जन करण्यात आले. आज देवाची आरास रिकामी असली तरी या दहा दिवसांच्या स्मृतींनी मनाचा गाभारा पूर्ण भरलेला आहे. याच स्मृतींना सोबत घेऊन पुढे जाताना एक नवीन महाराष्ट्र घडवण्याची ऊर्जा बाप्पाने मला दिली आहे. हे उद्दिष्ट साध्य करताना मी उतू अथवा मातू न जाता सतत कार्यरत रहावे यासाठी लागणारे बळ मला विधात्याने द्यावं एवढेच मागणे मी त्याच्याकडे मागितले आहे.

Chandrakant Patil should resign as minister sakal Maratha community demand in Kolhapur
चंद्रकांत पाटील यांनी मंत्रीपदाचा राजीनामा द्यावा; कोल्हापुरात सकल मराठा समाजाची मागणी
Nitish Kumar New cm of bihar
नवव्यांदा मुख्यमंत्री पदाची शपथ घेतल्यानंतर नितीश कुमारांची पहिली प्रतिक्रिया; म्हणाले, “मी जिथं होतो…”
Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
Vijay Wadettiwar
“छत्रपती शिवाजी महाराजांसमोर घेतलेली शपथ…”, दसरा मेळाव्यातील ‘त्या’ कृतीवरून मुख्यमंत्र्यांवर वडेट्टीवारांचा हल्लाबोल

गणपतीला निरोप देताना सगळ्यांचेच डोळे पाणवतात. तसेच श्रीकांत शिंदे आणि मुख्यमंत्री एकनाथ शिंदे यांचेही डोळे पाणावले होते. गुरुवारी म्हणजेच २८ सप्टेंबरच्या दिवशी लाडक्या गणपतीला निरोप देत असताना महाराष्ट्रातल्या तमाम गणेश भक्तांच्या डोळ्यात पाणी आलंं होतं. गणपती बाप्पा मोरया पुढच्या वर्षी लवकर याचा गजर आसमंत दणाणून टाकत होता. अनेक ठिकाणी तलाव, नदी या ठिकाणी गणपतीचं विसर्जन करण्यात आलंं. तर वर्षा बंगल्यासह मुंबई आणि उपनगरांमध्ये अनेक भागांमध्ये कृत्रिम विसर्जन तलाव तयार करण्यात आले होते. या तलावांमध्ये घरगुती गणपतींचं विसर्जन करण्यात आलं. स्वयंसेवक ज्याप्रमाणे पाण्यात उतरुन गणपतीचं विसर्जन करतात त्याचप्रमाणे खासदार श्रीकांत शिंदे यांनी वर्षा निवासस्थानी तयार करण्यात आलेल्या कृत्रिम हौदात उतरुन गणपतीला निरोप दिला. तो क्षण सगळ्यांनाच भावूक करणारा होता.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mp shrikant shinde farewell to ganesha in artificial pond at varsha bungalow cm eknath shinde post the photos scj

First published on: 29-09-2023 at 10:45 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×