scorecardresearch

Premium

‘त्या’ भोंदूबाबाविरोधात सुप्रिया सुळेंचा सरकारला सवाल, “महिलांचा राजरोसपणे विनयभंग…”

कंबलबाबा प्रकरणावरुन सुप्रिया सुळेंचा राज्य सरकारला सवाल

What Supriya Sule Said?
सुप्रिया सुळे यांनी राम कदम यांच्यावर कारवाई करणार का असाच प्रश्न सरकारला केला आहे. (फोटो सौजन्य-सुप्रिया सुळे ट्विटर)

मुंबईतल्या घाटकोपर या ठिकाणी भाजपा आमदार राम कदम यांच्या उपस्थितीत राजस्थानातून आलेले कंबलवाले बाबा हे अंगावर घोंगडे टाकून दिव्यागांना बरं करतो असा दावा करत आहेत. हा दावा करणाऱ्या या बाबाच्या विरोधात अंधश्रद्धा निर्मूलन समितीने कारवाईची मागणी केली आहे. तसंच राज्य महिला आयोगाच्या अध्यक्षा रुपाली चाकणकर यांनीही दखल घेत प्रतिक्रिया दिली आहे. राम कदम यांनी आयोजित केलेलं शिबीर म्हणजे अंधश्रद्धांना लोकप्रतिनिधींकडून मिळणारा पाठिंबा असल्याचं त्यांनी म्हटलं आहे. आता या प्रकरणी राष्ट्रवादीच्या खासदार सुप्रिया सुळेंचीही प्रतिक्रिया समोर आली आहे.

काय म्हटलं आहे सुप्रिया सुळेंनी?

दिव्यांग व्यक्तींच्या अंगावर घोंगडे टाकून त्यांना बरं करण्याचा दावा राजस्थान येथील एक बाबा करीत आहे. मुंबईतील घाटकोपर भागात भाजपा आमदाराच्या उपस्थितीत ती व्यक्ती महिलांना संतापजनक पद्धतीने स्पर्श करते. महाराष्ट्रात जादूटोणा विरोधी कायदा अस्तित्वात असूनही त्याच्यावर कारवाई होत नाही ही खेदाची बाब आहे.

Fali S Nariman passed away
भोपाळ गॅस प्रकरणापासून ‘या’ ऐतिहासिक निकालांमध्ये नरिमन यांचा सहभाग होता निर्णायक
several maha vikas aghadi leaders accused of corruption today they are part of bjp government
 ‘ते’ तेव्हा तिथे..आता इथे!
Supriya Sule Google pay
गुगल पे, फोनपेला टाईम बॉम्ब म्हणत सुप्रिया सुळेंचा संसदेत मोठा दावा, मोदी सरकारला विचारला महत्त्वाचा प्रश्न
Mallikarjun Kharge
राज्यसभेतील मोदींच्या भाषणावर मल्लिकार्जुन खरगेंचं चोख प्रत्युत्तर; सांगितला NDA चा फुल फॉर्म!

काहीही झालं तरी ‘आपलं बोलून मोकळं व्हायचं’ म्हणणारे हे सरकार, महिलांचा राजरोसपणे विनयभंग होत असताना खंबीर पावले कधी उचलणार आहे? अशा व्यक्ती ज्या आमदाराचा आधार घेऊन अशा पद्धतीने अंधश्रद्धा पसरविण्याचे काम करतात त्या आमदारावर शासन कारवाई करण्याची तसदी घेणार आहे का? अशा भोंदू बाबा आणि अंधश्रद्धेला प्रागतिक विचारांच्या महाराष्ट्रात थारा देता कामा नये.

नेमकं काय आहे हे प्रकरण?

कंबलवाले बाबा नावाचा बाबा राम कदम यांच्या घाटकोपर मतदारसंघात दिव्यांग व्यक्तीवर घोंगडं टाकून त्यांना बरं करण्याचा दावा करतो. या घटनेचा व्हिडीओ व्हायरल झाल्यावर अंधश्रद्धा निर्मूलन समितीने त्याच्याविरोधात कारवाईची मागणी केली आहे. कंबलवाले बाबाची ही बुवाबाजी बंद केली जावी असं आवाहन अंनिसने पोलिसांना केलं आहे. आमदार राम कदम आणि पोलीस अधिकारी या कार्यक्रमाला उपस्थित होते त्यामुळे साक्षीदार म्हणून ते पोलिसांची मदत करू शकतील असं अंनिसच्या मुक्ता दाभोलकर यांनी म्हटलं आहे. तसंच आता सुप्रिया सुळेंनीही यावरुन कडाडून टीका केली आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mp supriya sule aggressive against bhondubaba and ram kadam ask question to shinde fadnavis pawar govt scj

First published on: 15-09-2023 at 22:59 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×