साताऱ्यातील कोरेगावात महिलेचा खून; दोन मुलांना विहिरीत ढकलले | Murder of a woman in Koregaon Satara Two boys pushed into the well msr 87

याप्रकरणातील फरार झालेल्या आरोपीस पोलिसांनी अटक केली आहे.

wife off verbal divorce doubts on the character incident in solapur

(प्रातिनिधिक छायाचित्र)

साताऱ्यातील वेलंग शिरंबे (ता.कोरेगाव ) येथे एका महिलेचा तिच्या दोन मुलांसह खून केल्याची खळबळजनक घटना उघडकीस आली आहे. दत्ता नामदास (वय ३०,मू.रा. राजेबोरगाव, ता. जि. उस्मानाबाद)) याने या महिलेचा गळा दाबून खून केल्याची माहिती पोलीसांनी दिली. ही महिला व नामदास हे एकत्र रहात होते. १५ जून रोजी ही महिला आणि तिची मुलं रात्री जेवण करून झोपी गेली होती. यानंतर दत्ता नामदास याने तिचा परपुरुषाशी अनैतिक संबंध असल्याच्या संशयातून गळा दाबून खून केला आणि मुलांना परिसरातील एका विहीरीत ढकलून दिले. यानंतर तो गावातून पळून गेला होता.

तो त्याच्या बहीणेकडे अकलुज पोलीस ठाणे हद्दीत श्रीपुरबोरगावी असल्याची माहिती पोलिसांना मिळाली. श्रीपुरबोरगावचे पोलीस पाटील यांच्याशी संपर्क साधून नामदास बाबत चौकशी केली असता, तो पोलिसांना आढळून आला. यानंतर त्याला रहिमतपूर पोलिसांनी ताब्यात घेतल्याची माहिती पोलीस उपनिरिक्षक प्रमोद सावंत यांनी दिली.

This quiz is AI-generated and for edutainment purposes only.

या घटनेतील एका मुलाचा मृतदेह पोलिसांच्या हाती लागल्याची माहिती मिळाली आहे. या प्रकरणी दत्ता नामदासवर पोलिसांनी खूनाचा गुन्हा दाखल केला आहे. अधिक तपास रहिमतपूर पोलीस करत आहेत.

First published on: 17-06-2022 at 19:40 IST

Web Title: Murder of a woman in koregaon satara two boys pushed into the well msr