नगरमध्ये शनिवारी नाट्य परिषदेच्या एकांकिका स्पर्धा; १२ संघांचा समावेश

तसेच सागर मेहेत्रे, जालिंदर शिंदे व अनंत जोशी हे केंद्र प्रमुख असतील. महाराष्ट्रातील हौशी, प्रायोगिक कलावंतांना रंगमंच उपलब्ध व्हावा, नवोदित कलाकारांमधे नाट्यकलेची ओढ निर्माण व्हावी तसेच राज्यपातळीवर काम करण्याची संधी मिळावी याकरिता या स्पर्धेचे आयोजन करण्यात आल्याचे समन्वयक सतीश लोटके यांनी सांगितले. राज्यभरातील सर्व केंद्रांवर एकूण २५२ संघांनी या स्पर्धेत आपला सहभाग नोंदवला आहे.

अहिल्यानगर केंद्राचे समन्वयक केंद्रप्रमुख तसेच सहभागी नाट्य संस्थांची बैठक झाली. या सभेत नाट्य परिषद करंडक स्पर्धेबाबत उपस्थित संस्था प्रतिनिधी आणि संघप्रमुखांना नियम आणि इतर माहिती देण्यात आली व शंकानिरसन करण्यात आले. यावेळी एकांकिकांच्या सादरीकरणाचा क्रम ठरविण्यात आला. नगर केंद्रावरून या स्पर्धेत एकूण १२ संघ सहभागी झाले असून छत्रपती संभाजीनगर येथील ३ तर कोपरगाव, संगमनेर, राहुरी येथील प्रत्येकी एका संघाचा या स्पर्धेत समावेश आहे. दि. २३ ऑगस्टला सकाळी ८ पासून मातोश्री यमुनाबाई त्र्यंबक देशमुख ग्रंथालय, (गंगा उद्यान जवळ, सावेडी, नगर) येथे प्राथमिक फेरी तालीम स्वरूपात होणार आहेत.

वेळापत्रक

नाट्य परिषद करंडक स्पर्धेच्या प्राथमिक फेरीत सकाळी ८ वा. रसाभिनय, अहिल्यानगर, (एकांकिका – देखावा), ९ वा. नाटकंती, अहिल्यानगर (टॅक) १० वा. होप फौंडेशन अहिल्यानगर (सेकंड चान्स), ११ वा. आपलं घर, अहिल्यानगर (कोंधट), दुपारी १२ वा. रंगविहार, अहिल्यानगर (झिम पोरी झिम…), १ वा. नटेश्वर कला व क्रीडा मंडळ, राहुरी (गुण्या गोविंदाणे), २:३० वा. नाट्य मंडळी, छत्रपती संभाजीनगर (परतलेले घरकुल), ३:३० लोकसाहित्य प्रकाशन, छत्रपती संभाजीनगर (सावळा), सायंकाळी ४:३० नाट्यदर्शन, छत्रपती संभाजीनगर (बुजगावणं), ५:३० वा. एसएसटी. आयुर्वेद महाविद्यालय, संगमनेर (डिसेक्शन), ६:३० वा. संकल्पना फौंडेशन, कोपरगांव (ये साली जिंदगी), ७:३० वात्सल्य प्रतिष्ठान, अहिल्यानगर (नथिंग टू से). स्पर्धेची अंतिम फेरी दि. १५ ते १८ सप्टेंबरदरम्यान यशवंतराव चव्हाण नाट्य संकुल, (माटुंगा, मुंबई) येथे होणार आहे.